ئەمریکا: ناهێلین ئیران دەمی بۆ بەرژەوەندیا خوە بکاربینیت
وەزارەتا دەرڤە یا ئەمریکا دوهی سەبارەت ب گەرا دویێ یا دانوستاندنان ل گەل ئیرانێ دیار کر دانوستاندنێن بهێت دێ گەلەک گرنگ بن، چونکی دڤێت ئیران خوە ئێکلا بکەت و بریارا خوە بدەت، وەکو ئەمریکا ئەو ناهێلن ئیران وەکو بەری نها دەمی بۆ بەرژەوەندیێن خوە بکار بینیت و وەکو ئەمریکا ئەو دێ بلەز بریارێ سەبارەت ب ئیرانێ دەن و دێ یا پێدڤی ژی کەن.
ل ئالیێ دی هەر دوهی محەمەد جەواد زەریف هاریکارێ سەرۆک کۆمارێ ئیرانێ ژی دیار کر، ئسرائیلێ نەڤێت ئەمریکا پرسێن هەی ل گەل ئیرانێ ب رێیا دانوستاندنان چارەسەر بکەت و ئیسرائیلێ دڤێت ئالۆزیان دروست بکەت، ژ بەر ڤێ یەکێ ژی دڤێت بەرپرسێن ئیرانێ گەلەک هشیار بن و چو بەهانەیان نەدەنە دەستێ ئەمریکا و ئسرائیلێ.
ناڤهاتی ئەو یەک ژی دیار کر، گەرا ئێکێ یا دانوستاندنان گەلەک باش بوویە و دڤێت ئەمریکا ژی رێزێ ل ئیرادە و داخوازیێن گەلێ ئیرانێ بگریت.
