سترانەك بۆ یانا زاخۆ یا وەرزشی چێكریە
زنار تۆڤی:
سترانبێژ (هەڤال زاخۆیی) د دیدارەكێ دا بۆ رۆژناما ئەڤرۆ گۆت: هەرچەندە من بڕیاردا بوو كو ب ئێكجاری كارێ لایڤ مۆزیكێ بهێلم و ئێدی وی كاری نەكەم، كو ئەڤە چەندین سال بوون، حەفتییانە چار بۆ پێنج جاران من كارێ لایڤ مۆزیكێ هەبوو، هەروەسا نوكە من سترانەكا نوو بۆ یانا زاخۆ یا وەرزشی چێكریە و پشتی دو حەفتیێن دی دێ هێتە كلیپ كرن و دیاریە بۆ هەموو پشتەڤانێن یانا زاخۆ یا وەرزشی.
ناڤهاتی گۆت: من ئەلبۆمەكا نوو چێكریە ب ناڤێ (ئاوازێ دل) كو ژ 25 تراكان پێك دهێت، نەه ژ وان تراكان د نوونە و بەری نوكە نە هاتینە بەلاڤكرن و یێن دی ژی سترانێن كەڤنن و من بەری نوكە گۆتینە، هەروەسا ستران ژی ب شێوەزارێ كرمانجی و سۆرانی و ل گەل چەندێن سترانێن توركی من د وێ ئەلبۆما خوە گۆتینە، ل دەستپێكا هەیڤا گولانێ دێ بەلاڤ بیت، هیڤیدارم ب رێیا ڤێ ئەلبۆمێ بشێم پتر خزمەتا هونەرێ كوردی بكەم.
