هیمۆفیلیا پتریا جاران ب رێیا سونەتکرنێ دیاردبیت
بێوار شكری:
د. ئومێد عه‌دنان بامه‌رنی، تایبه‌تمه‌ندێ نه‌خوشیێن خوینێ و په‌نجه‌شێرا زارۆیان دیاركر نه‌خوشیا هیموفیلیایێ نه‌خوشیێن بوماوه‌ینه و دهێته ڤه‌گوهاستن، وگۆت: دایك هه‌لگرا ڤێ نه‌خوشیێ یه و ڤه‌دگوهێزیته بو زارۆیێ خوه، ئه‌ڤ نه‌خوشیه پتر كور تووش دبن، رێژه‌یه‌كا گه‌له‌ك كێم كچ تووش دبیت، دایكێ (كروموسومێ ئێكس) تنێ یێ هه‌ی ژبه‌ر (وای) نینه بابێ یێ هه‌ی به‌ر هندێ كور پتر تووش دبن، هیموفیلیا هنده‌ك جورێن فاكته‌را ده‌مێ دله‌شێ مرۆڤی دا نه‌هێلیت خوین به‌ربوون په‌یدابیت، ئه‌و كێم دبیت، سێ جورێن هیموفیلیایێ هه‌نه جورێ (ئه‌ی و بی و سی)، به‌ربه‌لاڤترین جورێ هیموفلیایێ جورێ (ئه‌ی) یه تنێ مه 105 نه‌خۆش بڤی جوری هه‌نه، ل ڤێره هه‌ر جوره‌كی رێژه هه‌نه یاسڤك و ناڤنجی و دژوار، یا بهێز ئانكو دژوار ئه‌وه رێژا فاكته‌ری ژ ئێكێ كێمتره دله‌شێ وان دا، هندی رێژا فاكته‌ری كێمتر بیت پتر مه‌ترسی یال سه‌ر ژیانا وان هه‌ی، چونكو ئه‌وێ رێژا وان یا دژوار بێكو تووشی لێدانه‌كێ بن خووین به‌ربوون بو وان په‌یدا دبیت، لێ یا سڤک هه‌كه لێدانه‌ك ڤێبكه‌ڤیت ژنوو دبیته خووین به‌ربوون.
تایبه‌تمه‌ندێ نه‌خوشیێن خوینێ و په‌نجه‌شێرا زارۆیان خویاكر ژبه‌ركو نه‌خوشیا هیموفیلیایێ پتر ل جه‌م كوری په‌یدا دبیت ل ده‌مێ سونته‌كرنا وان دا دیار دبیت نه‌خوشیا هیموفیلیایێ هه‌یه، وگۆت: چونكو خوین به‌ربوون بو وان په‌یدادبیت و ئه‌ڤ خوین به‌ربوونه ناراوه‌ستیت و پشتی ئه‌نجامدانا پشكنینا دیار دبیت تووشی نه‌خوشیا هیموفیلیایێ بوویه، هه‌روه‌سان دخێزانێ دا دزانن به‌ری هینگی ئه‌ڤ نه‌خۆشیه هه‌بوو، ئه‌ڤجا هه‌ر زوو پشكنینا بو زارۆیێ خوه چێدكه‌ن، هه‌كه یا سڤك بیت دسونه‌تكرنێ دا دیار نابیت، لێ دێ بینی پنێن شین یێ ل سه‌ر له‌شێ وی په‌یدا دبن و خوینبه‌ربوون ناراوه‌ستیت، دیسان هنده‌كا خوین ژ دفێ یان ده‌ڤی یان دگه‌ل ده‌ستئاڤا زراڤ دهێت، ئه‌ڤه نیشانێن نه‌خوشیا هیموفیلیایێ نه.
د. ئومێد عه‌دنان بامه‌رنی دا زانین چاره‌سه‌ریا ئێكانه نها فاكته‌ره، وگۆت: گه‌له‌ك ژ نه‌خوشان خوین به‌ربوون بو چوكێن وان په‌یدا دبیت ، فاكته‌ر یێ زۆره ژبو چاره‌سه‌ریا وان، هه‌روه‌سان هنده‌ك نه‌خوشێن من نه‌سوونه‌تكری بوون نها یێ دهێنه سونه‌تكرن، هه‌روه‌سان دشێن ددانێن خوه بینه ده‌ر، چونكو ئه‌م فاكته‌را د ده‌ینێ و چ ئاریشه نینه، ده‌مێ ئێك پێدڤی نشته‌رگه‌ریه‌كێ دبیت ئه‌م به‌ری نشته‌رگه‌ریێ ده‌رزیكێ ده‌ینێ، لێ پێدڤی یه به‌ری نشته‌رگه‌ریێ چاره‌سه‌ریا خوه دروست وه‌رگریت، رۆژانه دورێن چار هه‌تا پێنج نه‌خوشان سه‌ره‌دانا سه‌نته‌رێ ژین ل دهۆکێ دکەن.
