ئسرائیل: ناهێلین ئیران ببیتە خوەدانا چەکێ ئەتۆمی
وەزیرێ بەرگریێ یێ ئسرائیلێ جارەکا دی ب رەنگەکێ ئاشکرا گەف ل ئیرانێ کرن و دیار کر، ئەو وەکو ئسرائیل ب چو رەنگەکێ رێ نادەن ئیران ببیتە خوەدانا چەکێ ئەتۆمی و دێ یا پێدڤی ل دژی ئیرانێ کەن، هەکە ئەنجامێ وێ ب گرانی ل سەر ئسرائیل راوەستیت ژی دیسان ئسرائیل رێ نادەت ئیران چەکێ ئەتۆمی دروست بکەت، چونکی ئەو یەک دێ بیتە مەترسیەکا گەلەک مەزن ل سەر ئاسایشا ئسرائیلێ.
سەبارەت ب هەلوەستێ ئەمریکا ژی ئسرائیل کاتز وەزیرێ بەرگریێ یێ ئسرائیلێ دیار کر، هەلوەستێ ترامپی ل دۆر ئیرانێ هەتا نها گەلەک باشە، لێ وەکو ئسرائیل وان بەرنامێ خوە یێ تایبەت بۆ دەڤەرێ هەیە و وان دڤێت نەخشێ رۆژهەلاتا ناڤین ب تەمامی بگوهۆڕن، نها ئیران بوویە مەترسی ل سەر ئاشتیا دەڤەرێ و دڤێت یا پێدڤی ل دژی ئیرانێ بهێتە کرن.
