هەیڤانە (50) هەتا (60) سەران دشۆت
هەرهین محەمەد:
جەرگیس حسێن، دەلاكە ل سەرشۆیەكێ ل دهۆكێ، د دیدارەكێ دا بۆ ئەڤرۆ گۆت: ئەڤە پازدە سالن ئەڤی كاری دكەم و ئەڤ كارە ژی پتر خەلكێ مووسل دكەن و برایەكێ من ل سەرشۆیەكێ ل دەواسە كاردكر و پشتی هاتیە دهۆكێ و وەكو كرێكار ل بەر دەستێ وی هەتا كو ئەز فێربوویم و نوكە وەكو دەلاك ل سەرشۆیا بەهدینان كاردكەم و كارێ سەرشووشتێ یێ ب زەحمەتە و یێ ئەڤ كارە بەری نوكە نە كربیت نەشێت بكەت و ئەڤی كاری هێز و شارەزایی پێ دڤێت و گەلەك كەس هەنە تەحەملا ئاڤێ و هەلمێ ناكەن و گەلەك كەس هەكە گەلەك بمینە دسەرشۆیێ ڤە دەستێ مە دا گێژ دبن و ئەم ئاڤا تەزی پێدا دكەین.
زێدەتر گۆت: وەرزێ سەر شووشتێ زڤستانێ یە و وەرزێ هاڤینێ دمینتە ل سەر مەعمیلێن مە وەكو مەساج و تەدلیك و ل زڤستانان نێزیكی هەیڤانە هەتا پێنجی شێست سەران دشۆم و گەلەك كەس ژی نەشێن بهێنە سەرشۆیێ وەكو كەسانێن دانعەمر و یێن نەساخ ئەز دچمە مالێن وان سەرێ وان دشۆم و ریهێن وان دتراشم گەلەك دوەستیێن ب سەر شووتنێ ڤە و بەلێ چو جاران دلێ من ژ كارێ من رەش نابیت و هەر یێ دلخۆشم كارەكێ گەلەك پاقژە.
