ده‌لیڤه‌یه‌كا دیرۆكی ل پێشیا مه‌یه دڤێت ژ ده‌ست نه ده‌ین
عەلی حاجی :
د داخویانیەکێ دا راهێنەرێ تیما زاخۆ یا پشکدار د خولا نایابا کوردستانێ و كۆپا کوردستانێ دا بۆ رۆژنامەیا ئەڤرۆ دیار کر مە قوناغەکا مەزن دەرباز کر بۆ ب دەستڤەئینانا كۆپا کوردستانێ و نابیت ئەم وی ناسناڤی ژ دەست بدەین.
ناڤبری گۆت ژی: دەمەکێ درێژە تیما مە ژ ناسناڤێن کوردستانێ دوورە لەوما ئەو دەلیڤەیا ئەڤ سالە بۆ مە هاتیە پێش دەلیڤەیەکا مەزنە و نابیت ژ دەست بدەین و تیما ژ هەژی گەهشتە یاریا دوماهیێ ژ جاما کوردستانێ، د یاریا بەرامبەر کفری دا یاریزانێن مە هەست ب بەرپرسیارەتیێ کرن و ئەوا پێدڤی ل سەر وان و ئەو پلانێن بۆ وان هاتینە دانان هەمی جێبەجێکرن، د نوکە دا دەلیڤەیەکا مەزن ل پێشیا مەیە بشێن ناسناڤی ب دەست ڤە بینن، کارگێریا یانەیا زاخۆ پشتەڤانیەکا باش و بەردەوام ل ڤێ تیمێ دکەت و مە باوەرییەکا مەزن ب ڤێ تیمێ هەیە کو دێ ل پاشەرۆژێ دا بیتە تیمەکا باش.
ل دوماهیێ گۆت ژی: كۆپا کوردستانێ بۆ مە گه‌له‌ك گرنگە و دێ گرنگییەکا تایبەت پێ دەین و ئارمانجا مە برنا ڤی ناسناڤی یە بۆ یانەیا زاخۆ و ئەم ژ هەژیترین تیمین د وەرزێ ئەڤ سالە دا ڤی ناسناڤی ب دەست ڤەبینن.
بۆ زانین تیما یانه‌یا زاخۆ ل سه‌ر كیستی یا نه‌یا كفری ده‌ربازبوو یارییا دووماهیێ پشتی ب چار گۆلێن پاقژ ب سه‌ركه‌ڤتی، ژلایه‌كێ دووڤه یارییا ئاكرێ و هندرین بۆ شه‌شێ ئه‌یارا بهێت هاته پاشئێخستن.
