هشیار شه‌هباز: سه‌ركه‌فتنا ئه‌ڤرۆ ڤه‌گه‌ڕیانه بۆ هه‌ڤڕكییان
عەلی حاجی:
د داخویانیه‌كێ دا سكرتێرێ یانه‌یا زاخۆ یا وه‌رزشی دیار كر بۆ یارییا ئه‌ڤرۆ دێ ب هه‌موو شیانێن خوه و مۆراله‌كا بلند به‌رانبه‌ر یانه‌یا نه‌ورۆز ژ خولا ستێرێن ئیراقێ دا هێنه دناڤ یاریگه‌هێ دا و گه‌شبینن سه‌ركه‌فتنێ تۆماربكه‌ن
زێده‌تر ناڤهاتی بۆ رۆژنامەیا ئەڤرۆ گۆت: د یاریێن بوری دا تیما مە نەشیا ئاست و ئەنجامێن باش پێشکێش بکەت و ب دەست خوەڤە بینیت ژبەر هندێ هەرزوو وەکو دەستەیا کارگێریا یانەیا زاخۆ مە ل وان کێشەیان گەریا ئەوێن بوینە ئەگەرێ ژ دەستدانا خالان و مە شیا چارەسەر ژی بکەن، د نوکە دا تیما مە د رەوشەکا باش دا دەرباز دبیت و مە باوەرییەکا باش هەیە کو دێ شێن یارییەکا باش ئەنجام دەین، ئەڤ یارییە بۆ مە گەلەک یا گرنگە ژبەرکو سەرکەڤتنا ل سەر نەوروز دێ دوبارە چینە دناڤ هەڤرکیا ناسناڤی دا،مە نەڤێت ئەم ژ رێزێن دەستپێکێ ب دویر بکەڤین ژبەرکو مە دڤێت پلێتێن ژ دەرڤە ژ دەست نەدەین،پشت راستین دێ یاریزانێن مە ئاستەکێ باش پێشکێش کەن و دوبارە تیمێ ڤەگەریننە سەر ڕێیا راست و دروست و ئەم بۆ سێ خالان یێ ل باژێرێ سلێمانیێ و ژبلی سەرکەڤتنێ ئەم ب چ ئەنجامان رازی نابین.
ل دور یاریێ رەمەزام سەدیق گۆت: ئەم ب هێڤینە بشێن باشترین ئاست پێشکێش بکەین و قەرەبویا یاریێن بوری بکەین و نابیت د یاریێن بهێت دا خالا ژ دەست بدەین ژبەرکو هەر یارییەکا بهێت وەکو یارییا دووماهیێ یە ژبەر هندێ پێدڤیە ئەم ٢٠٠٪ ژ ئاستێ خوە پێشکێش بکەین، یا گرنگ بۆ مە ئەوە ئەم بشێن بەردەوامیێ بدەینە رێزبەندیێ ژبەرکو تیما مە ژ هەژی هندێ یە ل رێزێن پێشیێ بیت، پلانەکا رێک و پێک ژلایێ دەستەیا راهێنەران ڤە هاتیە دانان و هێڤیا مە یا مەزن ئەوە ئەم بشێن سێ خالێن یاریێ ب دەست ڤە بینن ژبەرکو ئەو ئارمانجا مە یا ئێکێ یە و پشت راستم ژی هەمی یاریزانان سێ خالێن یاریێ دڤێن.
