فدراسیۆنا فوتبۆلا ئیراقێ سزایێن یانەیا دهۆكێ و ڕاهێنەرێ وێ كێمكرن
لژنەیا تانەدان ل فدراسیۆنا فوتبۆلا ئیراقی سزایێن ل سەر یانە و ڕاهێنەر و چەند پشتەڤانەكێن یانەیا دهۆك كێمكرن، ئەڤچەندە هات پشتی یانەیا دهۆك ب كۆمكرنا بەلگەیان نە ڕازیبوونا خوە ل سەر سزایێن دایە، ئەوا دەرئەنجامێ روودانێن پشتی یارییا دهۆك و زاخۆ ژ خولا ستێرێن ئیراقێ هاتیە پێش، تێدا یانەیا دهۆكێ ب 25 ملیۆن دیناران، ڕاهێنەرێ ویچ مەسعۆد میران ب پێنج ملیۆن دیناران و دوورئێخستنا وی بۆ دو یارییان، دگەل دوورئێحستنا سێ پشتەڤانێن یانەیێ كابۆ بۆ ئێك وەرزێ خولێ.
د نڤێسارەكا فەرمی دا فدراسیۆنا فوتبۆلا ئیراقێ بڕیار بڤی شێوەیی دا، گوهۆڕینا بڕیارا لژنەیا دیسپلینێ یا هژمارەیا 100 ئەوا ل 16ێ ڤێ مەهێ هاتییە دەركرن، سزادانا یانەیا دهۆك ب 10 ملیۆن دیناران ل دووڤ بەندێ ئەلیف، دو، 49ێ یا لژنەیا دیسپلینێ بۆ وەرزێ 2024-2025، سزادانا مەسعۆد میرال ڕاهێنەرێ تیما یانەیا دهۆك ب دوورئێخستنێ ژ تیما خوە بۆ ئێك یاری و سزادانا وی بۆ دو ملیۆن دیناران ل دووڤ بەندێ ئەلیف، دو، 47 یا لژنەیا دیسپلینێ، سزادانا كابو یێن یانەیا دهۆك، هەوكار سەلیم، محەمەد رەعەد و كاوە جەلال بۆ ماوەیێ شەش هەیڤان ژ یاریگەهان بهێنە دوورئێخستن ل دوو بەندێ 49 یێ 88 و 167 ژ بەندێن لژنەیا دیسپلینێ و رەوشتی، ئەڤ بڕیارە ل21ێ نیسانێ هاتنە دەركرن و كار پێ بهێتە كرن.
بۆ زانین ڕاهێنەرێ تیما دهۆكێ مەسعۆد میرال ل یارییا بۆری بەرانبەر یانەیا حدود دگەل تیما خوە بەرهەڤی یاریێ نەبوو، لەوما ژی ل دووڤ سزایێن فدراسیۆنێ دبیت بۆ یارییا بهێت بەرانبەر یانەیا كارەبا ئەوا دێ سوبەهی هێتە كرن ژ خولا ستێرێن ئیراقێ دناڤا یاریگەهێ دا بەرهەڤبیت.
