ئێلینایێ پێشەنگییا سابالینكایێ هەژاند و ناسناڤ ب دەستڤە ئینا
ستێرا لاتیڤیا و یاریزانا یارییا تێنسا ئەردی ئیلینا ئۆستابنكۆ بەردەوامی دا سۆپرایزێن خوە و شیا پێشەنگییا ستێرا جیهانی و خودانا سەرێ لیستێ یا بیلارۆسی ئەرینا سابالینكا ب هەژینت، پشتی شیایی ل سەر كیستێ وێ ناسناڤێ قارەمانییا شتۆتگارد یا خالان د ناڤ یاریگەهێن ئاخێ دا، د هەڤڕكیێن واندا ئەوا ل وەلاتێ ئەلمانییا هاتییە كرن و شیایی د یارییا دووماهیێ دا ب كۆما 6-4 و 6-1 خالان سەركەفتنێ بینت.
هەرچەندە ئەڤ ناسناڤە دبیتە یا هەشتێ بۆ ئۆستابنكۆیێ ئەوا دووماهی جار د قارەمانییا رۆلان گارۆس یا سالا 2017ێ ب دەستڤە ئینا بوو د ژیێ 20 سالی دا، لێ یا ئێكێ یە د یاریگەهێن دناڤا ئاخێ داهەر ژ قارەمانییا لینتس یا نەمسایی یا 2024ێ، بڤێ ناسناڤی ئۆستابنكۆ ژ رێزێن 25 پێشڤە هێتە رێزا 14ێ وەكو سۆپرایزا قارەمانیێ هاتە نیاسین.
