ئەگـەرێ هـلوەشـاندنا هـەڤپەیمانیا جمهـور هـەیە
سەرکردەکێ ئاکپارتیێ دیار دکەت نها ناکۆکیێن مەزن د ناڤبەرا ئەردۆغانی و دەولەت باخچەلی دا هەنە، چونکی باخچەلی وەسا دبینیت ئەردۆغان ژ بۆ قۆناغا ئاشتیێ یا پێدڤی نەکریە و ژ بۆ بەرژەوەندیێن خوە و ئاکپارتیێ کار دکەت و ئەو یەک ژی بوویە جهێ دلگرانیا باخچەلی و بریارە د دەمەکێ نێزیک دا ئەردۆغان و باخچەلی کۆمبن و سەبارەت ب ناکۆکیێن هەی بئاخڤن.
شامیل تەیار ئەو یەک ژی دیار کریە، ئاکپارتی و ئەردۆغان ب چو رەنگەکێ رازی نینن نها ل تورکیا بەحسێ هەلبژارتنێن پێشوەخت بهێتە کرن، چونکی وان دڤێت هەتا چەند مەهێن دی هندەک گوهۆڕینێن مەزن روو بدەن، لێ پارتا بزاڤا نەتەوەپەرست وەسا دبینیت هەکە ئەردۆغان سۆزێن کو بەری نها داینە باخچەلی بجه نەئینیت ئەو ژی دێ ل گەل پارتێن دی یێن ئۆپۆزسیۆنێ داخوازا هەلبژارتنێن پێشوەخت کەن و ئەو یەک ژی بێگومان نها بوویە جهێ دلگرانیا ئەردۆغانی و بەرپرسێن دی یێن ئاکپارتیێ، چونکی هەلوەستێ مەهەپێ دشێت ببیتە ئەگەرێ هلوەشاندنا هەڤپەیمانیا جمهور.
