فدراسیۆنا فتبۆلا كوردستانێ بڕیارێن توند دژی هندەک یانەیان دەركرن
فدراسیۆنا فوتبۆلا كوردستانێ كۆمەكا بڕیار و سزایێن نوو بەرانبەر یانە و یاریزان و ڕاهێنەرێن تیمێن پشكدار د خولێن پلا نایاب و دو دا، پشتی دووماهی كۆمبوونا خوە یا ئاسایی ئەنجامدایی، ژ گرنگترین بڕیار و ڕاسپاردە بڤی شێوەیی نە.
دەستنیشانكرنا ڕاهێنەران بۆ خولێن جودا دێ ل سەر سیستەمەكێ تایبەت بن بۆ وەرزێ نوو 2025-2026 و بڤی ڕەنگی، ڕاهێنەرێن خولا نایاب دڤێت باوەرنامەیا ئەی هەبیت یان ژی یا كوردستانێ، هاریكارێ وی باوەرنامەیا بی هەبیت، راهێنەرێ خولا پلا ئێك خودان باوەرنامەیا بی بیت و هاریكارێ وی سی بیت، هەروەسان یێن پلا دو راهێنە و هاریكار دڤێت باوەرنامەیا سی هەبیت، هاریكارێ راهێنەرێ پلا دو باورەنامەیا دی هەبیت، ژلایەكێ دووڤە بڕیار هاتە دان بۆ وەرزێ 2025-2026 نا بیت هیچ ڕەنگەكی گۆلپارێز ژ دەرڤەیی هەرێما كوردستانێ پەیوەندیێ ب هیچ یانەكێ بۆ هیچ خولەكێ نا كەت، ئەڤچەندە ژی هات پێخەمەت پشتەڤانی و پێشئێخستنا ئاستێ گۆلپارێزان ل هەرێما كوردستانێ و ژبۆ بەرژوەندییا گۆلپارێزێن هەرێمێ هاتیە دا.
هەر ژ گرنگترین بڕیارێن هاتینە دەركر فدراسیۆنا فوتبۆلا كوردستانێ سزادانێن توند دژی تیما زاخۆ دا هەبوون ل سەر روودانێن یارییا وان بەرانبەر چوارقۆرنە ژ گەرا 27 یا خولا نایابا كوردستانێ كو هەر ئێك ژ وان ب سزادانا 500 هزار دیناران بوویە و بڤی شێوەیی، سەرپەرشتێ تیمێ نەدیار عەلی، سزادانا محەمەد عەبدوللا یاریزانێ تیمێ، سزادنا مونتەزر محەمەد یاریزانێ تیمێ، حەیدەر حەمید هاریكارێ راهێنەری.
ژلایەكێ دی یێ بڕیارێن فدراسیۆنێ بڕیار دا بۆ وەرزێ بهێت یێ هەموو خولێن كوردستانێ هەر ڕاهێنەرەك د خولێ دا ب تنێ مافێ هەیی ببیتە ڕاهێنەرێ دو یانەیان د ئێك وەرز دا، ئانكو ئەو دەمێ د یانەكێ دا دهێتە دوورئێخستن دشێت دووڤدا بۆ یانەیەكا دی بكەت و ناچێبیت پشتی د یانەیا دویێ دا بهێتە دوورئێخستن یانەیا سێیێ وەربگریت، ئەڤچەندە ژی بۆ بەرژەوەندییا هەموو ڕاهێنەرانە تایبەت یێن گەنج ئەوێن ڤێ دووماهیێ باوەرنامەیێن ئاسیایی وەرگرتین.
ژ بڕیارێن دی یێن گرنگ ئێك بۆ وەرزێ بهێت هەر یاریزانەكێ كوردستانی ژدایكبوو و جهێ وی مووسل بیت دشێت وەكو یاریزانەكێ نافخوە دگەل یانەیێن كوردستانی یاریێ بكەن و ئەو بڕیارا پێشتر هاتە هەلوەشاندن، ئەڤەژی بۆ وێ چەندێ زێدەتر دەلیڤە بۆ یاریزانێ كوردستانی د خولێن كوردستانێ دا بهێتە دان وەكو مافەك ژی بۆ بهێتە پاراستن.
ئێك ژ بڕیارێن دی یێن دلخوەشیێ بۆ یانەیەكا پارێزگەهێ، هژمارتنا یانەیا بەردەرەش سەركەفتی ب 3-چنە بەرانبەر یانەیا مەخموور، ژبەركو یانەیا مەخموور درێسێ دویێ یێ تیمێ نەبوویە و یانەیا بەردەرەش خودان یاریگەهـ بوویە، پێدڤی بوو یانەیا مەخموور درێسێ خوە گوهۆڕتبا لدووڤ ڕێنمایان لێ بەرۆڤاژی سەرپێچی كر.
