د ئه‌كته‌ریێ دا ئه‌ڤه دو جاران ئه‌ز و دایكا خوە كه‌فتینه به‌ر ئێك
هه‌رهین محه‌مه‌د:
شێرڤین به‌همه‌ن، ئه‌كته‌را دراما ده‌رگه‌ه یا كو ب رولێ ئاشنایێ رادبووی دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: دراستی دا من خێزان پێك نه‌ئینایه و درامایێ دا من خێزان پێكئینایه و دبینم من حه‌قێ ئه‌وی رولی یێ دایێ و هه‌كه خێزانێ پێك بینم ژ دشێ و خه‌سیێ ناترسم، چونكو من ژی دشیا وان و هه‌ر روله‌كێ ده‌رهێنه‌ر ده‌ته مرۆڤ و بۆ مرۆڤی یێ گونجای بیت دێ مرۆڤ گێریت و نابیت مرۆڤ بخوه رولی ب هه‌لبژێریت و باوه‌رناكه‌م ده‌رهێنه‌رێن مه‌یێن كورد وان رولان بده‌نه ئه‌كته‌رێن مه ل گه‌ل داب و نه‌رتێن مه نه‌گونجن و و ئه‌م وه‌كو ستافێ دراما ده‌رگه‌ه وه‌كو خێزانه‌كێ لێهاتبووین و من دگۆته هه‌ڤالێن خوه براو ده‌رهێنه‌ری خال و هه‌ردیسان دایكا من ل گه‌ل من بوو ئه‌و ژ هه‌میێ خۆشتر بوو پشته‌ڤانا من یا سه‌ره‌كی ئه‌وه كو ئه‌ز یا ئارامبم ل گه‌ل زارڤه‌كه‌را و ئه‌كته‌ریێ
هه‌روه‌سا گۆت: ژبۆ كومێنتان مرۆڤ نه‌شێت خه‌لكی ژ خوه رازی بكه‌ت و دڤێت سنگێ مرۆڤی یێ به‌رفره‌هـ بیت بۆ كومێنتێن خه‌له‌ت و سه‌روكێن دكتاتور یێن هه‌ین نه‌شێن خه‌لكی ژ خوه رازی بكه‌ن و دیسان سه‌رۆكێن ب ره‌حم ژی هه‌نه ئه‌و ژی نه‌شێن خه‌لكی ژخوه رازیكه‌ن ڤێجا ئه‌زا ئه‌كته‌ر دێ چه‌وا شێم خه‌لكی ژ خوه رازیكه‌م و بونمونه كه‌سه‌كی ب كومێنته‌كێ گه‌فه‌ك ل من كر نابیت ئه‌ز به‌رسڤا ئه‌وی بده‌م، چونكو كه‌سه‌كا خاندی مه و من دنیا یادیتی و دژیانێ دگه‌هی و دبیت ئه‌و كه‌سه‌دمال ڤه بیت و نه‌دیتیه ژ ده‌رڤه چ چێت بیت، له‌ورا بتنێ كارێ خوه كریه كومێنتێن نه‌جوان.
ئه‌وچه‌نده‌ژی گۆت: درامایێ دا دایكا من خه‌سیا من بوو دروله‌كی دا ده‌ستێ خوه بۆ من راكر وه‌كو بیك و خه‌سی، به‌لێ دلێ من ژ ئه‌وێ نه‌مایه كو ده‌ستێ خوه بۆ من راكری، چونكو بتنێ ئه‌م یێن روله‌كی دگێرین و ئه‌ڤه بۆ جارا دووێ یه ئه‌ز و دایكا خوه دكمه‌ڤینه به‌رئێك و به‌لێ چو جاران هه‌ڤركیا دایكا خوه ناكه‌م دزارڤه‌كرنێ دا كو ژ ئه‌وێ باشتربم و دبینم ئه‌و ژ من زیره‌كتره و ناگه‌همه شیانێت وێ، چونكو حه‌زا وێ پتره بۆ زارڤه‌كرنێ وێ ژزاروكینیێ ده‌ستپێكریه و ژیه‌ك دئه‌كته‌ریێ دا بووراندیه .
