زاد و پرچ

ھەبوون و وەرار و وەرانا پرچێ گرێدایی ھندەك فاكتەرانە، وەكی:
• ژی.
• ساخلەمی.
• نەژاد.
• ژینگەھ.
• دەرمان.
• زاد.
ڕاستە پتریا ئەڤان فاكتۆران ل دەرڤەی دەستچۆنا مرۆڤینە، لێ زاد تاكو رادەیەكێ ل بەر كۆنترۆلا مە یە، لەو دێ سەنگا ئەڤێ گوتارێ ل وی واری بت. وەكو ھاتیە زانین، ھندەك مادەن و ڤیتامین و نۆشندە ھاری پاراستن و وەرارا پرچێ دكەن و لاوازیا وان، دبتە ھۆكارێ پرچوەرانێ و لاوازییا پرچێ.
ل خوارێ ھندەك زادێن ھاریكار بۆ پاراستن و وەرارا پرچێ ھاتینە رێزكرن، لێ ڕێگر نینن لبەر فاكتۆرێن دی:
• ھێك بۆ پرۆتین و بیۆتین.
• توو بۆ دژەژەنگان و كۆلاجینێ.
• سپیناغ بۆ ڤیتامین ئەی، سی، ئاسن و فۆلات.
• ماسیێن ڕووندار بۆ ئۆمێگا 3 و پرۆتینان.
• پتاتا شرین بۆ بێتاكارۆتینێ.
• ئەڤۆكاتۆ بۆ ڕوونێن ساخلەم و ڤیتامین ئی.
• كاكل بۆ ڤیتامین ئی و بی و زنك و ڕوونێن ساخلەم.
• تۆڤك بۆ بۆ ڤیتامین ئی و زنك و سێلینیۆمی.
• بیبەرا شرین بۆ ڤیتامین سی و ئەی.
• گوھماسی بۆ زنكی.
• كەلیك بۆ پرۆتین و زنكی.
• كەلیكا سۆیا كەرستەیەك تێدایە قۆناغا وەرارا پرچێ درێژ دكەت.
• گۆشت بۆ پرۆتین و ئاسنی.

کۆمێنتا تە