ترۆمبێله‌كا چینی د ئاڤێ ژی دا كار دكه‌ت
كۆمپانیا جێلی یا چینی ترۆمبێله‌كا نوو به‌رهه‌م ئینا و د پێشنانگه‌ها ئوتو شه‌نگنهایی دا به‌رچاڤ كر، ب ئاسانی دشێت د ناڤ ئاڤێ ژی دا هاتنوچوونێ بكه‌ت.
ترۆمبێلا گالاكسی كرۆزه‌ر نووترین به‌رهه‌مێ كۆمپانیا جێلی یا چینی یه و دشیان دایه د ناڤ ئاڤێ ژی دا كار بكه‌ت، ڤان رۆژان د پێشانگه‌ها ئوتو شه‌نگنهای 2025 دا هاته به‌رچاڤ كرن و بڕیاره ل دووماهیا ئه‌ڤ ساله بكه‌ڤیته بازاری.
سیسته‌مێ وێ وه‌كو پتریا ترۆمبێلێن نوو یێن كۆمپانیا ناڤبری ب كاره‌بێ كار دكه‌ت، ئێك ژ تایبه‌تمه‌ندیێن وێ سیسته‌مێ كراپۆركه كو ترۆمبێل دشێت سه‌رنشیف بچیت.
هه‌رده‌ما دچینه د ناڤ ئاڤێ ژی دا، دشێت ب رێیا راداران هه‌ست ب كووراتیا ئاڤێ بكه‌ت و پێدڤیا خوه بۆ كاركرنێ وه‌ربگریت. سیسته‌مێ پاتریێن وێ ژی ب ته‌مامی ژ ئاڤێ هاتیه پاراستن. ترۆمبێل ب لاسلكی ب سیسته‌مێ ستێرێن ده‌ستكرد ژی ڤه هاتیه گرێدان.
تشتێ دی یێ ژ هه‌موویان گرنگتر ژی ب سیسته‌مێ زیره‌كیا ده‌ستكرد ڤه هاتیه گرێدان كو ب ده‌مێن گه‌له‌گ و گه‌له‌ك كێم دشێت خوه ژ روودانێ بده‌ته پاش. ئه‌ڤه ژی وێ چه‌ندێ دگه‌هینیت كو ته‌كنۆلۆژیایه‌كا گه‌له‌ك پێشكه‌فتی د ڤێ ترۆمبێلێ دا یا هاتیه بكارئینان.
ژ روویێ دیزاینێ ژی ڤه، ترۆمبێل ب دیزاینه‌كا گه‌له‌ك جوان هاتیه به‌رهه‌مئینان و وه‌كو بوكسێ یه كو نها وه‌كو ترێند د ناڤ كۆمپانیێن به‌رهه‌مئینانا ترۆمبێلان دا هاتیه دیتن.
