جەمال هەمزانی ئێكەم وەرزشڤانە باوەرنامەیەكا جودا وەربگریت
شاهۆ فەرید:
د داخویانیەكێ دا دەلال حسێن یێ ناسیار ب جەمال هەمزانی ڕاهێنەر و یاریزانێ یارییا لەشجوانیێ بۆ رۆژنامەیا ئەڤرۆ دیاركر ب دەستڤە ئینانا هەر جورە باوەرنامەیەكێ مەرەم پێ بلندكرنا ئاستێ خوە یە و دەستڤە ئینانا دەستكەفت و ناسناڤان بۆ كوردستانێ.
زێدەتر ناڤهانی گۆت: بەریا پێنچ مەهان ب سەربلندیڤە شیابووم باوەرنامەیا پرۆ یا یارییا لەشجوانیێ ب دەستخوەڤە بینم، پێنەڤێت ب هەڤكارییا كاپتنێ خوە بەشار بەشیری مە بۆ فدراسیۆنا لەشجوانیێ هنارتبوو ئەوێن ژلایێ خوەڤە بۆ سەرۆكێ كۆربەندێ وەرزشی یا ئەمریكا- كەندا هنارتین، دووڤدا ژلایێ كۆربەندا ناڤهاتی ب فەرمی وەكو ئێكەم كەس و یاریزان ل سەر ئاستێ كوردستانێ ببمە ئێكەمین كەس هەلگرێ ڤێ باوەرنامەیا وەربگرم، هەرچەندە نە پشكدارییەكا قارەمانییەكێ یە لێ دێ بیتە باشترین دەرگەهـ بۆ خول و قارەمانیێن نێڤدەولەتی و دەرگەهەك بۆ هەموو یاریزانێن كوردستانێ و ئیراقێ .
هەروەسان ناڤهاتی گۆت: ئەڤە دهێتە هژمارتن دەستكەفتەكێ هەریێ مەزنە شیام پشتی چەندیین هەڤركیان و پشكداریا دەسخوەڤەبینم و باوەرپێكرییە ل سەرانسەری جیهانێ ئەڤە جهێ دلخوەشیا منە، بەریا ئەڤێ باوەرنامەیێ ژی هاتبوومە خەلاتكرن باشترین وەرزشڤانێ لەشجوانیێ لسەر پارێزگەها دهۆكێ.
جەمالی گۆت ژیی: نوكە دا ئەزیێ بەرهەڤیا دكەم بۆ دەمێ بهێت پشكداریێ د ڤاڤارتنیێن هەلبژارتیی ئیراقێ یێ لەش جوانیێ دا بكەم، ئەگەر شیام جهێ خوە د ناڤا هەلبژارتی بكەم دێ پشكداربم قارەمانیا ئاسیادا.
