ئافرەتێن دهۆكێ دەربازبوونا خوە بۆ چارگۆشەیا زێڕین مسۆگەر كر
قەیس وەیس:
تیما یانەیا ئافرەتێن دهۆكێ دەربازبوونا خوە بۆ قۆناغ چارگۆشەیا زێرین مسۆگەر كر پشتی ب خالەكێ ژ باژێرێ دیانا ڤەگەڕیاین، ب وەكهەڤییا دو گۆلان دگەل خودانێن ئەردی تیما كچێن یانەیا ڕواندز، د یارییا واندا ژ چارچووڤەیێ گەڕا پێنجێ و بەری دووماهیێ یا كۆما ئێكێ ژ خولا فوتسالا كوردستانێ ل سەر ئاستێ كچان هاتییە كرن.
تیما فوتسالا ئافرەتێن دهۆك قارەمانا وەرزێ بۆری شیا جهێ خوە ل سەرێ لیستا كۆما ئێكێ ب كۆمكرنا 13 خالان پارێزیت ژ چار سەركەفتن و ئێك وەكهەڤی و ئێكەم یانەیە چو خوسارەتییان نەدەت، یاریزانێن وێ 39 گۆلان تۆماربكەن بەرانبەر پێنچ گۆل بتنێ ل سەر بهێنە تۆماركرن، بڕیارە شەمبییا بهێت تیما یانەیا ئافرەتێن دهۆكێ مێڤاندارییا كچێن یانەیا چەمچەمال بكەت و ڕواندز ببیتە مێڤانا كۆیە، هەولەستێ كۆما ئێكێ بڤی شێوەیە.
1- ئافرەتێن دهۆك 13 خال.
2- چەمچەمال نەهـ خال.
3- ڕەواندز حەفت خال.
4- كۆیە چنە خال.
كچێن زاخۆ هیڤیێن دەربازبوونێ گەشترلێكرن
ژلایێ خوەڤە تیما كچێن یانەیا زاخۆ هیڤیێن دەربازبوونێ بۆ قۆناغا چارگوشەیا زێرین گەشترلێكرن پشتی ب شەش گۆلان بەرانبەر دو گۆلان سەركەفتن ئینایی، ژ چارچووڤەیێ كۆما دویێ یا خولێ ئەوا سێ یانە بووینە هەڤڕكێن دو پلێتێن دەربازبوونێ، شەمبییا بهێت كچێن زاخۆ دێ بنە مێڤانێن یانەیا سیروانی هەلەبجە، هەلوەستێ گشتی یێ ڤێ كۆمێ بڤی شێوەیە.
1- سیروانی هەلەبچە هەشت خال.
2- ئافرەتێن هەولێر هەشت خال.
3- زاخۆ شەش خال.
4- ئافرەتێن سۆران چار خال.
