پتری (300) سالانە مالباتەك دناڤ شكەفتەكێ دا دژین
رەمەزان زەكەریا:
تاهر رەشید، وەلاتیەكێ گوندی جونایەل دەڤەرا ئاكرێ، 67 سالن ب خێزانڤە دناڤ ڤێ شكەفتێ دا دژیت، وی د ناڤ شكەفتێ دا خانیەكێ دو قاتی چێكریە و ژیانا خوە ل وێ شكەفتێ دبەنە سەر.
تاهری بۆ ئەڤرۆ گۆت: ئەڤە پتری (300) سالانە ژیانا مالباتا مە لڤێرە و هەتا نوكە ژی بەردەوامە، هەموو تشتێ ڤێرە یێ خۆشە، ئێكەم جار زڤستانێ ئەگەر بەفر و باران با هەتا تۆ گەهشتبایە بەردەرێ شكەفتێ دا بێژی تۆ یێ هاتیە دژۆركێ ڤە هندی یا گەرم بوو، هاڤینان ژی چلێ هاڤینێ ڤێرە جهێ مەیە، وەك شكەفت دەستكاری تێدا نەهاتیە كرن هەموو ل جهێ خو مایە وەك بەرێ، ئەڤ شكەفتا كەڤنار ل سالا 1970 ژلایێ تۆمارا نەخشێ شوونوارێن عیراقێ هاتیە تۆماركرن.
هیوا شەمال، رێڤەبەرێ شوونوارێن ئاكرێ مە ل بەرە كو ئەم بشێین هندەك جهێن شوونواری بكەینە جهێن گەشتوگوزاری گوندێ جونا پێدڤی ب هندێ یە كو هندەك ڤەكۆلینێن زانستی ئەنجام بدەن ژبۆ كو ب دروستی ب شێوەیەكێ زانستی دیار بكەین كو ژیێ ڤی گوندی چەندە و بۆ چ سەردەم دزڤریت؟
