د وەرزێ بهارێ دا خواست ل سەرجلكێن كوردی زێدە دبیت
سندس سالح سلێڤانەیی:
نالین، دیزاینەرەكا جلكێن كوردی یە، د دیدارەكێ دا بۆ رۆژنامەیا ئەڤرۆ دبێژیت: حەزژێكرنا من بۆ دروین و دیزاینكرنا جلكێن كوردی یێن ئافرەتان بۆ بەری چەندین سالان دزڤڕیت، سوپاس بۆ خودێ و ب هاریكاریا مالا من نوكە مە جهەكێ تایبەت هەیە و رۆژانە گەلەك ئافرەت سەرەدانا مە دكەن، لێ دوەرزێ بهارێ دا پتر داخوازی ل سەر جلكێن كوردی هەیە، چنكو بهار ب خوە وەرزەكێ جوانە و سروشتێ كوردستانێ ژی گەلەكێ جوانە و دەمێ ئافرەت جلكێن كوردی دكەنە بەرخوە و دچنە ناڤ سروشتی دیمەنەكێ دی ددەنە وەرزێ بهارێ و جوانیا دیمەنێن كوردستانێ.
هەروەسا گۆت: مە دیزایێن جلكێن كوردی یێن پارچەیێن دی یێن كوردستانێ ژی هەنە و هەر دەمێ ژنەك یان كچەك ژ باكۆر یان رۆژهەلات یان رۆژئاڤایێ كوردستانێ دهێت ئەو دشێت ب ساناهی ب دەست خوە ڤە بینیت.
