ئەردۆغان ل دژی هەلبژارتنێن پێشوەختە
رەجەب تەیب ئەردۆغانێ سەرۆک کۆمارێ تورکیا دیار کر، هێزێن ئۆپۆزسیۆنێ ل تورکیا ب جهێ کو کار بۆ چارەسەرکرنا ئاریشەیێن نها ل وەلاتی بکەن و هاریکاریا حوکمەتی بکەن جارەکا دی دخوازن ئالۆزیان دروست بکەن، نها هەم پارتا کۆماری و هەم ژی هندەک پارتێن دی یێن بچووک ل تورکیا داخوازا هەلبژارتنێن پێشوەخت دکەن، لێ وەکو ئاکپارتی و هەڤپەیمانیا جمهور مە دڤێت هەلبژارتن د دەمێ خوە یێن ئاسایی دا بهێنە کرن و پێدڤیا تورکیا ب چو هەلبژارتنێن پێشوەخت نینە.
چاڤدێرێن سیاسی ژی دیار دکەن، ئەردۆغانی دڤێت بەری هەلبژارتنان دستوورێ تورکیا بهێتە گوهۆڕین دا بشێت ب رێیا دستوورێ نوو جارەکا دی خوە بۆ هەلبژارتنێن سەرۆک کۆماریێ بەربژار بکەت، ژ بەر ڤێ یەکێ ژی نها دڤێت پشتەڤانیا کوردان بدەستڤە بینیت و هەتا ئەو یەک نەهێتە کرن ئەردۆغان و هەڤپەیمانیا جمهور ناخوازن چو هەلبژارتنێن پێشوەخت ل تورکیا بهێنە کرن.
