تاما بەرێ د هونەری دا نەمایە
سولین سلێمان:
ئەكتەرا گەنج (شەهێن جەمال) كو ژدایكبوویا سالا 1985 یە و خەلكا پارێزگەها سلێمانیێ یە، د دیدارەكێ دا بۆ رۆژنامەیا ئەڤرۆ گۆت: د ژیەكێ بچووكدا حەزا ئەكتەریێ ل دەف من هەبوو، پشتی دەلیڤە هاتی مە دەستپێكر و هەتا نوكە من پشكداری د هژمارەكا فلم و دراما و فلمێن سینەمایی دا كریە، هەروەسا ئەز ئێكەم خانم بووم كو خەلاتێ باشترین ئەكتەر ل سەر ئاستێ هەرێما كوردستانێ وەرگرتی.
هەروەسا گۆت: دەمێ ئەز قوتابی ل چالاكیێن قوتابخانێ پشكدار بووم و ئەڤە پتر ژ (20) سالانە دبۆارێ هونەری دا كاردكەم، ل دەمێ مە هونەر یێ ب زەحمەت بوو هەروەسا هونەرمەندی ژی قەدرێ خوە هەبوو، چنكو دەمێ بەرهەمێن مە ل كەنالێن تەلەفزیۆنی دهاتنە خوار خەلكی گەلەك ب شەوق بەرێ خوە ددانێ، لێ نوكە ئەز دبینم مخابن تاما بەرێ دهونەری دا نەمایە، هەروەسا ئەكتەرێن ئافرەت د ناڤ هونەری دا ددیارن و رۆلێ وان یێ بەرچاڤە وجهێ شانازیێ نە، چنكو وان گەلەك قوربانی بۆ هونەری داینە.
