دێ ئێرشێن مە ل دژی ئسرائیلێ بەردەوام بن
یەحیا سەریع پەیڤدارێ حوسیێن یەمەنێ د داخویانیەکێ دا دیار کر، هەتا ئێرشێن ئەمریکا و بریتانیا ل دژی وان بەردەوام بن و هەروەسا ئێرشێن ئسرائیلی یێن ل دژی خەلکێ غەزە ژی بەردەوام بن وەکو حوسیێن یەمەنێ ئەو دێ بەردەوام ئێرشی ئسرائیلێ کەن و ئەو دشێن دربێن گران ل ئسرائیلێ بدەن.
ناڤهاتی ئەو یەک ژی دیار کر، ئەو دێ بەردەوام ئێرشێ فرۆکەخانا نێڤدەولەتی یا بێن گوریۆن کەن و داخواز ژ هەموو وەلاتێن جیهانێ کر کو گەشتێن خوە یێن بۆ وێ فرۆکەخانێ ل ئسرائیلێ بدەنە راگرتن.
ل ئالیێ دی دوهی جارەکا دی وەزیرێ بەرگریێ یێ ئسرائیلێ دیار کر، ئێرشێن حوسیێن یەمەنێ ب فەرمانا ئیرانێ دهێنە کرن و ئەو دێ ب توندی بەرسڤا ئێرشێن حوسییان دەن و رێ نادەن حوسی و ئیران ببنە مەترسی ل سەر ئسرائیلێ و ل گەل ئەمریکا و وەلاتێن دی یێن جیهانێ ژی د ناڤ هەماهەنگیێ دانە.
