دانوستاندنێن ئەمریکا و ئیرانێ هاتینە راگرتن
بەرپرسەکێ وەزارەتا دەرڤە یا ئەمریکا کو نەخواستیە ناڤێ وی بهێتە ئاشکرا کرن بۆ مالپەرێ ئاکسیۆس دیار کریە، د دانوستاندنێن هەتا یێن د ناڤبەرا ئیرانێ و ئەمریکا دا هەلوەستێ ئیرانێ گەلەک خرابە و ئیران بەرهەڤ نینە دەست ژ بەرنامێن خوە یێن ئەتۆمی بەردەت، کەسێن نێزیکی ترامپی ژی گەلەک فشار ل وی کرینە دا بریارا راگرتنا دانوستاندنان بکەت، وەکو مەرجێ بەردەوامیا دانوستاندنان ژی داخواز هاتیە کرن کو ئیران قەبوول بکەت ب فەرمی دەست ژ بەرنامێ خوە یێ ئەتۆمی بەردەت.
هەمان بەرپرسی ئەو یەک ژی دیار کریە، بەرپرسێن ئیرانێ هەتا نها ژی بەرهەڤ نینن بەرنامێ ئەتۆمی هلوەشینین و ئیرانێ دڤێت رێککەفتنەکا وەکو سالا ٢٠١٥ بهێتە کرن، لێ ئیدارا ترامپی ب توندی ل دژی ڤێ یەکێ یە، ژ بەر هندێ ژی نها دانوستاندنێن د ناڤبەرا ئیرانێ و ئەمریکا دا ب فەرمانا ترامپی هاتینە راگرتن و ئەمریکا چاڤەرێی بەرسڤا ئیرانێ یە.
