نیڤا خەلکێ غەزە دخوازن بۆ جهەکێ دی بهێنە ڤەگوهاستن
ل گۆر راپرسیەکێ کو ژ ئالیێ ناڤەندا فەلەستینێ یا راپرسیێن سیاسی و ئامارێ هاتیە کرن، ٤٩٪ ژ خەلکێ غەزە ژ رەوشا نها یا ژیانا خو بێزار بووینە و داخواز دکەن بۆ وەلاتەکێ دی یان ژی جهەکێ ئارام بهێنە ڤەگۆهاستن دا بشێن بەردەوامیێ بدەنە ژیانا خوە، چونکی نها ئەو د رەوشەکا گەلەک خراب دا دژین، بەردەوام ئسرائیل ئێرشی وان دکەت و خوارن و دەرمان ژی نینن و رۆژانە خەلک تووشی نەخوەشیان دبن، هەروەسا ژ بەر ئێرشێن بەردەوام یێن ئسرائیلێ رۆژانە ژن، زارۆ و کەسێن سڤیل دبنە قوربانی.
ل گۆر هەمان راپرسیێن ٤٨٪ ژ خەلکێ غەزە حەماسێ وەکو بەرپرسیارێ رەوشا نها دبینن و داخواز دکەن خوەنیشادان ل دژی حەماسێ بهێنە کرن، چونکی ئەمریکا و وەلاتێن دی ژ بەر بەهانەیا حەماسێ وەکو پێدڤی هاریکاریا خەلکێ غەزە ناکەن.
