ژ بەر تۆزبارینێ رۆژانە هەتا 100 زارۆكان قەستا نەخۆشخانێ دكەن
دهۆك، لەزگین جوقی:
رێڤەبەرێ نەخۆشخانا هیڤی یا زارۆكان ل دهۆكێ بۆ رۆژناما ئەڤرۆ دیار كر، ژ ئەنجامێ تۆزبارینێ هندەك رۆژان هەتا 100 زارۆكێن نەخۆش قەستا نەخۆشخانا هیڤی یا زارۆكان دكەن و گەلەك ژ وان ل نەخۆشخانێ دهێنە نڤاندن.
د. نزار بەكر، رێڤەبەرێ نەخۆشخانا هیڤی یا زارۆكان ل دهۆكێ گۆت: «ژ بەر تەنگەنەفەسێ و ژ ئەگەرێ تۆزبارینێ، گەلەك زارۆك بۆ وەرگرتنا چارەسەریێ قەستا نەخۆشخانا هیڤی یا زارۆكان دكەن».
گۆتژی: «ئەم داخوازێ ژ خەلكێ خۆ دكەین، زارۆكێن خۆ ژ تۆزبارینێ ب پارێزن، چونكی ژ ئەگەرێ سەقایێ نوكە رۆژانە 60 هەتا 100 زارۆكان بۆ چارەسەریێ قەستا نەخۆشخانا هیڤی دكەن و پتریا وان دهێنە نڤاندن».
