ڕێنما و دەستهەلاتێن زێدەتر بۆ دادڤانێن ڤارێ هاتنە دان
فدراسیۆنا فوتبۆلا جیهانی فیفا ب فەرمی بڕیاردا دەلاستهەلاتێن دادڤانێن یارییان زێدەتر بكەن د دەمێ پێدڤی ب سیستەمێ ڤارێ بن بۆ هەر حالەتەكێ ناكۆكی یان بڕیارەكا دو دلی هەبیت دوبارە ڤەگەڕیتە ڤارێ و ئەڤ بڕیارە دێ د كۆپا جیهانی یا یانەیان دا هێتە بجهئینان ئەوا بڕیارە قارەمانی ل وەلاتێ ئەمریكا هەر ژ 15ێ خزیرانێ هەتا 13ێ تەمووزا بهێت ب پشكدارییا 32 یانەیان بهێتە كرن.
رۆژنامەیا مۆندۆ دیپۆرتیڤۆ یا ئسپانی دیار كر پشتی گازندە و تێبینیێن زێدە ژلایێ یانە و هەلبژارتیێن جیهانێ بۆ هاتینە، هەرچەندە ڤار بتنێ بۆ چار حالەتێن هەستیار هەبووینە ئەوژی بۆ پشتراستكرنا تۆماركرنا گۆلێ، بۆ هژمارتن یا نە هژمارتنا لێدانا پەنەلتیێ، بۆ كارتا سۆر، بۆ پشتراستكرنا كەسێ كارتا سۆر وەربگریت، ئەڤ بڕیارە ب ڕازیبوونا دەستەیا گشتی هاتییە دێ بنە ڕێنما بۆ خول و قارەمانیێن داهاتی و دیاركر فیفایێ دڤێت دادڤانێ هاریكار ل سەر هەموو ئەوان روودان و حالەتێن پەیدابن ئاگەهداربیت، پێنگاڤا ئێكێ دێ د مۆندیالا جیهانی یا یانەیان دا بیت كۆپا جیهانی و دووڤدا دێ بڕیارا دووماهیێ بۆ هەموو خول و قارەمانییا هێتە بجهئینان.
