بەرهەمێن شیری مرۆڤی ژ جەلتێ دپارێزن
ڤەکولینەکا نوو ئاشکرا کریە بەرهەمێن شیری (سپیاتیێ) مەترسیا تووشبوون ب نەخۆشیێن دلی كێم دكەن
ڤەکولین ژلایێ نوشدارێن سویدی ئەنجامدایە و تێدا بەحسکریە کو ئەو دوهنی (چەوری) دناڤ بەرهەمێن سپیاتیێ هەی مفا هەیە، ئەگەرێ نەخوشیێن دلی کێم دکەت.
د. كارۆلین وێست: تایبەتمەندا زانستێ خۆراكی ل ئەكادیمیایا زانستێ خۆراكی دبێژیت، بەرهەمێن شیری ژ وانا ماست، پەنیر و شیر ب چەوری (pentadecanoic acid) زەنگینن لەورا مەترسیا تووشبوون ب نەخۆشیێن دلی کێم دکەن.
ڤەکولینا نوشدارێن سویدی لسەر (4150) كەسان ئەنجامدایەو دەركەفتیە ئەوێن رۆژانە چەوری دناڤ بەرهەمێن شیری وەردگرن كێمتر تووشی نەخۆشیێن دل و جەڵتێ بووین بەراورد دگەل وان کەسانیێ گرنگیێ ب خوارنا بەرهەمێن شیری نادەن.
ئەرێ دوهنێ بەرهەمێن شیری مەترسیا قەڵەویێ زێدەد دکەت؟
رێژەیا دوهنی ( چەوری ) دناڤ بەرهەمێن شیری ل دوف جورێن وێ دهێتە گوهرێن، وێ ڤەکولینا نوو ئاماژە ب وێ چەندێ کریە هەرچەند دوهنی دناڤ بەرهەمێن شیری دا هەیە، بەلێ خوارنا ماست، پەنیر و شیری د رۆژانەدا وەك بەشەك ژ شێوازێ خۆراكێ ساخلەم مەترسیا قەڵەوبوونێ زێدە ناكەت.
