هێزه‌كێ هێرش كره سه‌ر عارف قوربانی
ئه‌ڤرۆ نیۆز، قائید میرۆ
هێزه‌كا ئه‌منی ئه‌ڤرۆ رۆژا ئه‌ینی دخواست رۆژنامه‌ڤان و كادره‌كێ پێشكه‌فتیێ ئێكه‌تیێ بڕه‌ڤینن به‌لێ بزاڤا وان سه‌رنه‌گرت و پۆلیس ژی دبێژن، ئه‌م نه‌هاتینه ئاگه‌هداركرن.
ژێده‌ره‌كێ ئاگه‌هدار ب ئه‌ڤرۆ نیۆز راگه‌هاند” ئه‌ڤرۆ ل سنورێ پارێزگه‌ها سلێمانیێ هێزه‌كا ئه‌منی چوونه سه‌ر مالا رۆژنامه‌ڤان و چاڤدێرێ سیاسی عارف قوربانی و پشتی ده‌ركه‌فتی ل مال نه‌بوویه ، ئه‌ف هێزا ئه‌منی به‌ره‌ف جهێ عارف قوربانی لێ چوویه.
ژێده‌ری گۆتژی” ل سه‌یرانگه‌ها دوكان هێرش كرینه سه‌ر قوربانی و دخواست به‌ره‌ف جهه‌كێ نه‌دیار ببه‌ن، به‌لێ بزاڤا ئه‌ڤێ هێزا ئه‌منی سه‌ر نه‌گرتیه، ئه‌گه‌رێن ئه‌ڤێ چه‌ندێ ژی بۆ ئاریشه‌یێن ناڤا ئێكه‌تیێ ڤه‌دگه‌ڕیت.
ژلایێ خۆڤه‌ژی نه‌قیب سه‌ركه‌وت ئه‌حمه‌د، په‌یڤدارێ پۆلیسێن پارێزگه‌ها سلێمانیێ بۆ ئه‌ڤرۆ نیۆز دیاركر، ئه‌ف هێزا دهێته به‌حسكرن یا پۆلیسان نینه و مه چو زانیاری ل دۆر ڤێ بۆیه‌رێ نینه.
