ناکۆکیێن مەزن د ناڤبەرا ترامپی و نەتانیاهۆی دا هەنە
ئاژانسا بی بی سی د راپۆرتەکێ دا ئاماژە ب ڤێ یەکێ کریە نها ناکۆکیێن گەلەک مەزن د ناڤبەرا ترامپی و نەتانیاهۆی دا هەنە و سەرۆکێ ئەمریکا بەرهەڤ نینە هەر تشتەکێ ئسرائیلێ خواست بۆ بکەت و ب تایبەتی ژی نها سەبارەت ب ئیرانێ ناکۆکیێن وان گەلەک مەزنن و ترامپ بەرهەڤ نینە ژ بەر ئسرائیلێ ئێرشی ئیرانێ بکەت و ئسرائیل ژی ژ سیاسەتا نها یا ئەمریکا ل هەمبەر ئیرانێ دلگرانە.
هەمان ئاژانسێ ئەو یەک ژی دیار کریە، نها ناکۆکیێن د ناڤبەرا ترامپی و نەتانیاهۆی دا گەلەک مەزن بووینە و ژ بەر ڤێ یەکێ ژی ئسرائیل بەرهەڤیان دکەت بێی ئەمریکا ئێرشی بەرنامێن ئەتۆمی یێن ئیرانێ بکەت و ئەو یەک ژی بوویە جهێ دلگرانیا ئەمریکا، چونکی بەری چەند رۆژان ژی ترامپی دیار کربوو وان دڤێت ب رێیا دانوستاندنان ل گەل ئیرانێ پرسا بەرنامێ ئەتۆمی یێ وی وەلاتی چارەسەر بکەن، لێ ئەو یەک ب دلێ ئسرائیلێ نینە.
