ئـۆکرانیا بـەرسڤا پـۆتینی ددەت
ڤیلادەمیر پۆتین سەرۆکێ رۆسیا بەری دو رۆژان دیار کر، ئەو بەرهەڤن ل گەل ئۆکرانیایێ ب رەنگەکێ راستەوخوە دەست ب دانوستاندنان بکەن و گۆت: (سەرکردەیێن ئێکەتیا ئۆرۆپا داخوازا راگەهاندنا ئاگربەستێ بۆ دەمەکێ مەهەکێ دکەن، وەکو رۆسیا مە دڤێت ل رۆژا ١٥ ڤێ مەهێ ل ئستەنبولێ ل گەل ئۆکرانیا ب رەنگەکێ راستەوخوە دەست ب دانوستاندنان بکەین).
ل ئالیێ دی هەر دوهی سەرۆکێ ئۆکرانیایێ ژی دیار کر وەلاتێ وی بەرهەڤە ل گەل رۆسیا دەست ب دانوستاندنان بکەت و وان دڤێت بێی مەرج ل گەل رۆسیا ب رەنگەکێ راستەوخوە دەست ب دانوستاندنان بکەن.
چاڤدێرێن سیاسی ژی دیار دکەن، پشتی سەرەدانا سەرکردەیێن هەر سێ وەلاتێن بریتانیا، فرەنسا و ئەلمانیا بۆ ئۆکرانیایێ و پشتەڤانیا وان وەلاتان بۆ ئۆکرانیا ژی وەسا کر هەلوەستێ رۆسیا بهێتە گوهۆڕین و نها رۆسیا دڤێت ئاگربەست بۆ دەمێ مەهەکێ بهێتە راگەهاندن و دانوستاندن ژی بێی مەرج بن.
