من دڤێت سترانێن كوردی بگەهینمە خەلكێ جیهانێ
دلڤین رەشید:
سترانبێژ (رۆژان مەحمود زادە) د دیدارەكێ دا بۆ رۆژنامەیا ئەڤرۆ دیاركر كو ئەو خەلكا دەڤەرا بۆ كانە، ژیێ وێ (25) سالن، ئەڤە سێ سالن ل هەرێما كوردستانێ دژیت، ژبۆ بەرنامێ كوردیش تالن كو ل كەنالێ وار تیڤی دهاتە نیشادان ئێك ژ پشكداران بوو، د ئەڤی بەرنامەی دا و شیا ب بیتە سەركەفتیا ئێكێ.
هەروەسا گۆت: باشورێ كوردستانی بۆ من دەرگەهەكێ ئازادی بوو تێدا بشێم وەك ژنەك كورد ببمە سترانبێژ و ب رێكا پەیڤ و دەنگێ خوە و ب زمانێ شرینێ كوردی خزمەتا و هونەرێ كوردی بكەم، چنكو مە د سەردەمێ كەڤندا ژن هەبووینە ب رێكا ستران و غەریبوكان دەنگبێژی كرینە لەوا ئەم ژی دخوازین بەردەوامی ب وێ خەباتا ژنێن كورد بدەین، ئەم ژی دخوازین دڤێ قوناغێ دا و بشێوازەكێ سەردەمیانە خزمەتا كلتۆرێ خوە یێ رەسەن بكەین، من دڤێت سترانێن كوردی بشێوازەكێ نوو بگەهینمە خەلكێ جیهانێ.
