سەربەست لەزگین 32 سالیا دامەزراندنا بنگەهێ لالشێ یێ ڕەوشەنبیری و جڤاكی پیرۆز كر
سەربەست لەزگین، ئەندامێ مەكتەبا سیاسی یا پارتی و بەرپرسێ مەكتەبا رێكخستنا دهۆكێ ب هەڤالینیا خانم د. ڤیان سلێمان و سەباح بەیتوللا، هاریكارێن بەرپرسێ مەكتەبا رێكخستنێ دوهی 12/5/2025 ب مەرەما گەهـاندنا پەیاما پیرۆزباهیێ سەرەدانا بنگەهێ لالش یێ رەوشەنبیری و جڤاكی كر و پیرۆزباهیێن خۆ ئاراستەی سەرۆك و ئەندامێن دەستەیا بلندا بنگەهـێ لالشێ كر.
بەرپرسێ مەكتەبا رێكخستنا دهۆكێ و شاندێ د گەل دا راگەهاندن، كو بنگەهێ لالشێ كانیەكا زەلالە د ڕووبارێ ڕەوشەنبیریا كوردی دا و سەرباری چەندین ئاستەنگان ل خەباتێ و تێكۆشینێ ڤەنەقەتیان و خزمەتەكا بەرچاڤ پێشكێشی كلتوورێ كوردی و ئێزدیاتیێ كریە و بۆ پاراستنا گیانێ برایەتیێ و پێكڤەژیانێ درێغی نەكریە.
هەڕوەسا هیڤیا سەركەفتنێ بۆ وانا خواستن و پشتەڤانیا مەكتەبا رێكخستنا پارتی ل پارێزگەها دهۆكێ ژ بۆ وانا دوپاتكرن.
دیسا هەر دوهی 12/5/2025 سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهۆكێ ل بارەگەهێ مەكتەبێ پێشوازی ل لیوا عەبدولخالق تەلعەت، نوونەرێ هەرێما كوردستانێ ل فەرماندەیا هێزێن هەڤپشكێن ئیراقێ و شاندەكێ د گەل دا كر و د روونشتنەكێ دا بەحسێ گەشەپێدان و هەماهەنگی یا زێدەتر د ناڤبەرا هێزێن پێشمەرگەی و هێزێن ئیراقێ دا كر، هەروەسا تەكەز ل سەر گرنگیدانا پلانەكا تۆكمە و ئێكگرتی كر ژ بۆ پاراستن و ئێمناهـی و ئاسایشا وەلاتی كر.
