دەستڕەنگینی ب هونەری ڤە یا گرێدایە
موسا خالد:
هەیام زەكی، كچەكا دەستڕەنگینا خەلكا دهۆكێ یە، د دیدارەكێ دا بۆ رۆژنامەیا ئەڤرۆ دبێژیت: ئەز دەرچۆیا پەیمانگەها هونەرێن جوانم، ل دەستپێكێ ب هێز و شیانێن خوە من خوە فێری ڤی كاری كر، پشتەڤانێن من ژی بۆ ڤی كاری گەلەك دهاریكاربوون، كو ئەو ژی خێزانا مە بوون، پاشان ب هاریكاریا هژمارەكا هەڤالان چوومە خۆلێن فێربوونێ و ئەڤ كارە بۆ من یێ خۆشە چنكو ب هونەری ڤە یێ گرێدایە، وەك شول و دیزاینكرن و رەنگ و چێكرنا وان.
هەروەسا گۆت: ل دەستپێكێ كارێ من یێ دەستی یێ ب زەحمەت بوو، لێ ب بۆرینا دەمی ب ساناهیتر لێ هات و كارێ ئەز دكەم هندەك قۆماش و مۆركا و قاشا بۆ جوانیێ بكاردئینم، ئەڤە دەمەكێ درێژە ئەز ڤی كاری دكەم و باش شارەزا بوویمە و بەرهەمێن من د فەستیڤالاندا هاتینە نیشادان و فرۆتن، لەورا شانازیێ ب كارێ خوە دكەم و داخوازا من ئەوە هەر كەسەكا ئەڤ حەزە هەبیت بلا دەستپێبكەت و بۆ پاشەرۆژێ من پرۆژەیەك هەیە كو باشتر بەرهەمێن مە بهێنە فرۆتن.
