خـۆ هـەلـوەشاندنـا پـەكـەكـێ و پرۆسێسا ئـاشتیێ
مووسا خالد
پشتی بۆرینا «٤٠» سالان ژ خەباتا چەكداری، پارتا كاركەرێن كوردستانێ دوهی، رێككەفتی (12/5/2025)«پەكەكە» خۆ هەلوەشاند و پەكەكە د بەیانا خۆ یا كۆنگرەیێ دوازدێ دا دیاركر كو ئەو دێ دەست ب خەباتا خۆ یا ئاشتیێ و دیمۆكراسیێ كەن و دێ دوبارە پەیوەندیێن كوردی توركی رێكئێخن چەكێن خۆ دانن و بۆرینا «40» سالانە خەباتا خۆ یا چەكداری بێ ئەنجامدا، دیسا ئەڤ خۆ هەلوەشاندنا پەكەكێ ل گەل رێبەرێ چەكدارێن پەكەكێ رەنگە بیتە ئەگەرێ سازانا دیموكراسی و جڤاكی و دەولەت.
پتریا وەلاتێن نیڤدەلەتی چاڤەرێ ڤێ خۆ هەلوەشاندنا پەكەكێ بوون و توركیا ژی دخوازیت گرێدانەك و سیاسەتەكا باشتر ئاڤا بكەت بەرامبەرێ كوردان ل توركیا هەم ل باشور و توركیا و سووریا سیاسەتەكا نەرمتر بكاربینت و برێڤەبەت، ئەڤە چەندین سالە توركیا هەمبەرێ كوردین توركیا سیاسەتەكا توند برێڤەدبر، چونكێ زۆرتر ژ» 100 « سالانە كێشا كورد و توركیا چاڕەسەرنەبوونە، چونكو ئەڤ ئالۆزیە بووینە ئەگەرێ قوربانیدانێ بۆ هەردولا د نوكە دا پرۆسێسا ئاشتیێ و دیموكراسیێ باشترین چارەسەری یە.
پێشتر پڕانیا وەلاتێن جیهانی پێشوازیێ ل نامەیا ئۆجەلانی كرن، چونكی دبیت ئەڤ پەیامە بیتە ئەگەرێ چاڕەسەركرنا زۆر كێشەێن.
ڤان گۆتارێن دوماهیێ دا ئۆجەلان دیاركر ژی كورد و تورك برانە ئەم دشێن ب رێكا ئاشتیێ كێشەێن خۆ چاڕەسەربكن، دبیت هندەك پێنگاڤێن ئەرینی بهێنە هاڤێتن خۆ هەلوەشاندن و چەكدانانا پەكەكێ رەنگە توركیا ئەو كێشەێن مەزن هەمبەری كوردان بكەتە خالێن چارەسەریێ و ئەردوگان سەرۆكێ توركیا مانا خۆ موكمتر لێ بكەت.
دیسا بلا ل بیرا مە بیت پیڤاژۆیا ئاشتیێ سەر دەستێ مەرجەعێ كورد «مەسعوود بارزانی»، هاتیەدانان ل نەورۆزێ و نیسانا سالا 2013 پێڤاژۆیا ئاشتیێ د ناڤبەرا مەرجەعێ كوردان سەرۆك « مەسعود بارزانی» و سەرۆكی توركیا «ئەردۆگان»، هاتە پێش و پشتی ڤێ قووناغا چەكدانانا پەكەكێ ئەزدبینم، ئەردۆگان دێ مەرجێن نەرمتر هەبن، هەمبەری پەكەكێ د ئاڤاكرنا پرسا ئاشتیێ دا، توركیا دخوازیت ئەو قووناغا نوكە ل سووریا دەرباز دبیت، مفای ژێ وەرگریت و نەرماتیەك باشتر ل توركیا ئاڤا بكەت، یا هەرە گرنگ د ئاشتیێ دا گەرەنتیا دەولی و نەتەوەیێن ئێكگرتی هەبیت و تورك دانپێدانێ بكەت كو كورد نەتەوەیەكە و پارچەكا گرنگە ل رۆژهەلاتا ناڤەڕاست و تایبەت د وەلاتێ توركیا دا.
رۆژهەلاتی ناڤەڕاست و پرسا رۆژئاڤایێ كوردستانێ د گوهۆرینا نە چاڤەڕێكریدایە رەنگە ئەڤ خۆ هەلوەشاندنە ئەقلانە بیت، چونكو «پرسا كوردان ل رۆژهەلاتا ناڤەڕاست د نوكە پرسەكا ژدلە». هەرچەندە رەگەزپەرستیا توركیا یا بەردەوام رێك نەدایە كورد بگەهن ئارمانجا خوە، یاریكرنا سیاسی یا نوكە ل گۆرەپانا رۆژهەلات ناڤەڕاست دایە و فەرە كورد باشتڕ ئێكگرتی بن.
