ترامپ: گرنگیەکا مەزن ددەینە عەرەبستانێ
دوهی دۆنالد ترامپ سەرۆکێ ئەمریکا گەهشتە عەرەبستانا سعوودیێ و ژ ئالیێ شازادە محەمەد بن سەلمان ڤە پێشوازی لێ هاتە کرن.
بەری نها وەزارەتا دەرڤە یا ئەمریکا و بەرپرسێن عەرەبستانێ ژی دیار کربوون د سەرەدانا ترامپی یا بۆ سعوودیێ دا دێ چەندین رێککەفتنێن مەزن د بیاڤێ چەکی و وزێ دا هێنە ئیمزا کرن و هەروەسا ئێک ژ تەوەرێن سەرەکی یێ سەرەدانا ترامپی ژی دێ بابەتێ بەرنامێ ئەتۆمی یێ ئیرانێ بیت.
وەزیرێ دەرڤە یێ ئەمریکا ژی دوهی دیار کر، ئەمریکا چەندین پەیمانێن گرنگ ل گەل عەرەبستانێ ئیمزا کرینە و ئەو یەک ژ بۆ هەر دو وەلاتان گەلەک گرنگە، بەری نها ژی ئەمریکا پەیمانێن وەسا مەزن د خۆلا ئێکێ یا دەستهەلاتا ترامپی دا ل گەل عەرەبستانێ ئیمزا کربوون.
چاڤدێرێن سیاسی ژی وەسا دبینن ترامپی دڤێت ب رێیا هەر سێ وەلاتێن عەرەبستان، قەتەر و ئیماراتێ پەیمانێن مەزن یێن ئابووری ئیمزا بکەت دا بشێت بارێ ئابووری یێ ئەمریکا گەلەک باشتر لێ بکەت.
