شاندەكێ نڤیسینگەها نێچیرڤان بارزانی سەرەدانا مەكتەبا رێكخستنێ كر
سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهۆكێ ب ئامادەبوونا هاریكارێن مەكتەبا ریكخستنێ و نوونەرێن هەر پێنج لقێن (ئێك و هەشت و نەهـ و هەژدە و بیست) پێشوازی ل شاندەكێ نڤیسینگەها نێچیرڤان بارزانی، جێگرێ سەرۆكێ پارتی كر.
د روونشتنەكێ دا سەربەست لەزگین، بەرپرسێ مەكتەبا رێكخستنێ خوشحالیا خۆ ب سەرەدانا شاندێ نڤیسینگەها جێگرێ سەرۆكێ پارتی نیشادا، هەروەسا هەردو ئالیان بەحسێ رەوشا دەڤەرێ ب گشتی كرن، دیسا دانوستاندن ل سەر باشتركرنا ژین و ژیارا وەلاتیان و میكانیزما باشتر خزمەتكرنا وەلاتیان ل سنۆرێ پارێزگەها دهۆكێ و ئیدارا سەربخۆ یا زاخۆ كر.
شاندێ نڤیسینگەها جێگرێ سەرۆكێ پارتی پێشنیار و داخوازیێن وەلاتیان، ئەوێن بۆ مەكتەبا رێكخستنا پارێزگەها دهۆكێ هاتینە ئاراستەكرن، بەرچاڤ وەرگرتن و هەردو ئالیان تەكەز ل سەر بجهئینانا داخوازیێن وەلاتیان كر.
دیسا دوهی 13/5/2025 سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهۆكێ ب هەڤالینیا سەباح بەیتوللا، هاریكارێ مەكتەبا ریكخستنێ سەرەدانا لقێ نەهـ یێ پارتی كر و ژ لایێ د. مەردان خدر، بەرپرسێ لقێ و دەستەیا كارگێری ڤە پێشوازی لێهاتە كرن و بەرپرسێ مەكتەبا رێكخستنێ هایداری رەوشا دەڤەرێ ژ ئالیێ پارتایەتیێ بوو، هەروەسا هەردو ئالیان تەكەز ل سەر چاوانیا پێشخستنا رێكخستنێن پارتایەتی ل دەڤەرا ئاكرێ و بەردەڕەشێ كر.
