زێره‌ڤانى و دهۆك خوه دا ده‌ست قه‌ده‌را نه‌ورۆزێ
ئه‌ڤرۆ نيوز:
ياريێن گه‌را 18 ژ خۆلا نايابا كوردستانێ ل رۆژێن پێنجشه‌مبى و ئه‌ينى هاتنه كرن و تێدا هه‌موو رێ بۆ وێ چه‌ندێ هاتنه خۆشكرن بۆ جارا يانه‌ك ل سلێمانيێ ناسناڤێ خولێ ب ده‌ست خوه ڤه بينيت.
ل ياريگه‌ها يانا نه‌ورۆز ل سلێمانيێ، هه‌يبه‌تا وێ يا ئاشكه‌را بوو، پشتى شيايى بۆ زێره‌ڤانى دياركه‌ت كو ئه‌ڤ ساله ئارمانجا وێ ب ده‌ستڤه‌برنا ناسناڤى يه، پشتى سه‌ركه‌فتنه‌كا مه‌زن و ژ هه‌ژى ل سه‌ر يانا زێره‌ڤانى تۆماركرى ب سێ گۆلان به‌رامبه‌ر گۆله‌كێ، هه‌ر چه‌نده ده‌قيقا سيێ ژ ياريێ زێره‌ڤانى گۆلا ئێكێ تۆمار كر، به‌لێ كه‌فته ته‌پكا هه‌مان سيناريۆيا حه‌فتيا بۆرى ده‌مێ ب سه‌رێ پێشمه‌رگا سلێمانيێ ئينايى، ده‌مێ نه‌ورۆز شيايى ب دووڤ دا سێ گۆلان تۆمار بكه‌ت.
ل ياريگه‌ها هندرين ل هه‌ولێرا پايته‌خت يانا دهۆك ژى نه‌شيا ئاستێ خوه يێ جاران نيشان بده‌ت و كه‌فته ته‌بكا خودانا ئه‌نجامێن نه‌باش يێن ڤى وه‌رزى، پشتى بێ گۆل وه‌كهه‌ڤ بوويى و سێ خالان ئه‌و ژى كه‌فته پشت سه‌ركێشا كۆمێ.
ئه‌ڤه حالێ تيما زاخۆ ژى بوو ده‌ما نێزيكترين هه‌ڤركا خوه مێڤان كرى و نه‌شيايى خوه پێچه‌كێ ژێ دوور بكه‌ت ژ به‌ر كو ياريا وان ژى ب وه‌كهه‌ڤى ب دووماهى هات، به‌لێ جوداهى ب تنێ ئه‌و بوو د ڤێ ياريێ دا، هه‌ر تيمه‌كێ گۆله‌ك تۆماركر.
ژ ئه‌نجامێن دى يێن ڤێ گه‌رێ هه‌ولێرێ وه‌كهه‌ڤيا ده‌هێ ل ڤى وه‌رزى دا پشتى نه‌شيايى ل ياريگه‌ها خوه سه‌ركه‌فتنێ ل سه‌ر تيما كه‌ركووك تۆمار بكه‌ت و يارى ب گۆله‌كێ بۆ هه‌ردويان ب دووماهى هاتى و شێروانه و برايه‌تى ژى ب هه‌مان ئه‌نجام بوون. ئارارات ژى سه‌ركه‌فتنه‌كا گرنگ ل ياريگه‌ها سلێمانيێ ل سه‌ر خودانا ئه‌ردى تۆمار كر ب گۆله‌كێ بێ به‌رامبه‌ر.
پشتى بۆرينا ياريێن گه‌را 18 هه‌لويست ب ڤى ره‌نگى يه:
1- نه‌ورۆز 36 خال
2- دهۆك 33 خال
3- زێره‌ڤانى 32 خال
4- زاخۆ 25 خال
5- پێشمه‌رگه‌يى هه‌ولێر 24 خال
