هەتا نوكە پتری (100) پەیكەران چێكرینە
پەیكەرساز (چێنەر نزار) كو ژپارێزگەها سلیمانیێ یە، د دیدارەكێ دا بۆ رۆژناما ئەڤرۆ دبێژیت: دەستپێكا كاركرنا بۆ پەیكەرسازیێ دا ڤەدگەریت بۆ سالا 1998 ێ، پاشی ل سالا 2002 ێ، ئەز چوومە پەیمانگەها هونەرێن جوان پشكا پەیكەرسازیێ ل سلێمانیێ، ل سالا 2007 ێ، من ئەو پشك ب دووماهی ئینا و هەتا نوكە ب رەنگەكێ بەردەوام ئەز كار دكەم، ل سالا 2011 ێ، ب رەنگەكێ فەرمی پەیكەرێن من چێكرین ل جهێن گشتی ل كوردستانێ هاتینە دانان.
هەروەسا گۆت: من د ژیانا خوە یا هونەری دا پتر ژ (100) پەیكەران چێكرینە (48) ژ وان دناڤ باژێرێن هەرێما كوردستانێ دا هاتینە دانان و پەیكەرەك ژی من ل باژێرێ كوت یێ عیراقی دانایە، یێن دی ژی ل دەڤەرێن جودا یێن كوردستانێ هاتینە دانان، نوكە ئەز مژوولی دانانا سێ پەیكەرێن دی مە ل سلیمانیێ، پەیكەرێ (قانعی) ل كۆیە و یێ (كەمال غەمبار) ل پێنجوین و یێ موفتی پێنجوینی، هەروەسا ئەز مژوولی دروستكرنا پەیكەرێ حاجی قادرێ كۆیی مە، ل گەل دروستكرنا پەیكەرێ زیوەرێ شاعر، هەر چەندە هەتا نوكە ل دەڤەرا بەهدینان من چ پەیكەر نە داناینە و دێ خۆشحال بم كاری بۆ ڤێ دەڤەرێ ژی بكەم و من دڤێت خزمەتا هەموو دەڤەرێن كوردستانێ بكەم.
