دو كچێن دهۆكێ ل سریلانكا دێ بزاڤێن ب دەستڤە ئینانا دەستكەڤتەكی كەن
هەردو كچێن پارێزگەهێ و یانەیا دهۆك زەلال سەعید و هانا ئاڤدەل دگەل هەلبژارتیێ ئیراقێ چووینە باژێرێ سری چایاواردنابۆرا كۆتی یێ پایتەختێ سریلانكا، ژبۆ پشكداریكرنێ د قارەمانییا پلەی چین كینچ یا نێڤدەولەتی دا بۆ یارییا تێنسا ئەردی، ئەوا ل ئەینییا بۆری دەست ب هەڤڕكیێن وێ هاتینە كرن.
د داخویانیەكێ دا سەعید خەلیل ئەندامێ فدراسیۆنا تێنسا ئەردی یا ئیراقێ بۆ رۆژنامەیا ئەڤرۆ گۆت: ل 13ێ ڤێ مەهێ دەست ب هەڤڕكیێن قارەمانییا سریلانكا یا نێڤدەولەتی هاتە كرن ئەوا دێ هەتا 22ێ ڤێ مەهێ بەردەوامبیت كو پشكدارییا زێدەتری 45 وەلاتان، ژ ئیراقێ چار یاریزانێن كچ پشكدارن ئەو ژی، حورا مونیر، هانا ئاڤدەل، زەلال سەعید و یەم ئەحمەد، دێ یاریێن خوە ب شێوەیێ ڤاڤارتن بۆ دەربازبوونا قۆناغا دویێ كەت، شێوازێ یارییان ل دووڤ سیستەمێ نێڤدەولەتییە.
هەروەسان ل دۆر یاریزانێن یانەیا دهۆكێ ناڤهاتی گۆت: هەرچەندە دشیان دابو وسێ یاریزانێن كچ یێن دهۆكێ د شیان دابوو دناڤ پێكهاتیێ ئیراقێ دا بان، لێ ژبەر تاقیكرنێن ویزاری یێن پۆلا 12ێ یاریزان لارا ئاڤدەل نە چار كر پشكدار نەبیت سەرباری یاریزانا هەلبژارتییا ئیراقێ یە و پشت بەستن ل سەر وێ ژی دهێتە كرن، لێ بۆ قارەمانیێن پشتی تاقیكرنان ئەو دشێت جهەكی بخوە دناڤ هەلبژارتیێ ئیراقێ ببینت.
ژلایەكێ دووڤە ئەندامێ فدراسیۆنا تێنسا ئەردی یا ئیراقێ ئەوچەندە ژی هیڤی خواست هەر چار یاریزانێن پشكدار بشێن ئەنجامێن دلخوەشكەر ب دەستڤە بینن و گۆت: پشكدارییا كچێن دهۆكێ دگەل هەلبژارتیێ ئیراقێ دڤێ قارەمانیێ دا و ب سەرپەرشتییا ڕاهێنەرێ دهۆكێ ئاڤدەل حەسەن بەلگەیە كو مە یاریزانێن خودان شیان یێن كچ هەنە، لێ پشتەڤانییا وان گەلەك یا گرنگە ژبۆ بلندكرنا ئاستێ خوە و زێدەتر پێشڤەچوونا ڤێ یاریێ.
بۆ زانین هەر ژ دەستپێكا پشكداریێن هەلبژارتیێ ئیراقێ د قارەمانیێن دەرڤە دا كچێن پارێزگەها دهۆكێ پشكا شێری یا پشكدارییان هەبوویە كو زێدەتری 15 ساالانە شیاینە ب ئاست و ئەنجامێن خوە ب سەرپەرشتییا ڕاهێنەرێن خوە ئاڤدەل حەسەن و عیماد موستەفا و چەند گەنجێن دی، چەندین قارەمانیێن ئیراقێ و كوردستانێ ل سەر ئاستێ كچان و كوڕان ل پاریزگەها دهۆكێ ژی هاتینە ڕێكخستن.
