هژمارەكا جادەیێن ناڤخۆیی ل ئاكرێ دهێنە دروستكرن
رەمەزان زەكەریا:
د ناڤ سەنتەرێ باژێڕێ ئاكرێ دا كار ل سەر هەژمارەكا جادەیێن ناڤخۆیی دهێتە كرن، ب تەمامبوونا وان ژی دێ هاتنوچوونا وەلاتیان ب ساناهی كەڤیت.
زێرەڤان تەمۆ، پەیڤدارێ باژێرڤانیا ئاكرێ بۆ ئەڤرۆ گۆت: «ل سەنتەرێ دەڤەرداریا ئاكرێ هەژمارەكا جادەیێن ناڤخۆیی دهێنە دروستكرن و كار بەردەوام ل سەر دهێتە كرن، ب تەمامبوونا وان، خزمەتەكا مەزن یا ئاكنجیێن وان تاخان دێ هێتە كرن.
ناڤبری گۆتژی: «هندەك ژ وان جادەیان، ل سەر پێشینەیا مەهانە یا سەرۆكاتیا باژێرڤانیا ئاكرێ كار تێدا دهێتە كرن، وەكو: جادەیا 15 مەتری، كو ب درێژاهیا 250 مەتران ل تاخێ رۆناهی دهێتە چێكرن، ل گەل چێكرنا قەنتەرەكا بۆكسی بۆ خۆشكرنا رێكا هاتنوچوونا وەلاتیان».
