مباپی بوویە بارگرانی بۆ ئالۆنسۆی
ئێكەم پێنگاڤا چاڤی ئالۆنسو ڕاهێنەرێ نوو یێ ڕیال مەدرید دگەل تیمێ دێ د كۆپا مۆندیالا جیهانی یا یانەیان دا بیت ئەوا نوكە هەڤڕكیێن وێ ل وەلاتێ ئەمریكا دهێتە كرن، لێ دبیت ئێكەم ئاستەنگا ڕاهێنەر بەرانبەر ستێرێ یانەیێ یێ فرەنسی كێلیان مباپی دیاربكەت.
ل دووڤ ڕاپۆرتا رۆژنامەیا ماركا یا ئسپانی شێوازێ یارییا ئالۆنسوی یا كۆمە و پشت بەستن ل سەر هەموو یاریزانان دكەت بۆ هێرشێن ل سەر گۆلا هەڤڕك، لێ یا كێلیان مباپی شێوازێ وی تەك وەرگرتنا تەپێ و هێرشبرنە، ئانكو یاریزانەكێ ئازادە، ئەڤچەندە دێ بیتە بارگرانییەك ل سەر پلانێن ڕاهێنەری.
بڕیارە ئێكەم یارییا ریال مەدرید ژ مۆندیالا جیهانی سوبەهی دەمژمێر 10ی شەڤ بەرانبەر یانەیا هیلال یا سعۆدیێ بكەت، دڤێ یاریێ دا دێ شێوازێ دروست یێ پلانا ڕاهێنەری دیاربیت.
