ئەلمانیا مەرجێ راگرتنا شەڕی ئاشکرا دکەت
وەزیرێ دەرڤە یێ ئەلمانیا دیار کر، ئەو ژ نێزیکڤە دووڤچوونا شەڕێ نها د ناڤبەرا ئیرانێ و ئسرائیلێ دا دکەن و وەکو ئەلمانیا وان دڤێت شەڕێ نها ب دووماهی بهێت، لێ دڤێت ئیران گەرەنتیێ بدەت کو دەست ژ بەرنامەیێ خوە یێن ئەتۆمی بەردەت، گرنگە ئیران نها کارەکێ وەسا بکەت، چونکی هێشتا ژی دەلیڤەکا راگرتنا شەڕی و ئاشتیێ هەیە، لێ هەکە ئیران بەرهەڤ نەبیت کارەکێ وەسا بکەت دی گەلەک یا ب زەحمەت بیت د رەوشا نها دا شەڕێ د ناڤبەرا وێ و ئسرائیلێ دا بهێتە راگرتن.
یوهان وادفول ئەو یەک ژی دیار کر، د ئەنجاما شەڕێ چەند رۆژان دا زیانێن مەزن گەهشتینە هەر دو وەلاتان و گەلەک وەلاتیێن سڤیل ژی بووینە قوربانی، بزاڤێن ژ بۆ راگرتنا شەڕی ژی هەنە، لێ گرنگە ئیران دەست ژ بەرنامەیێ خوە یێ ئەتۆمی بەردەت و چو مەترسیان ژی ژ بۆ ئسرائیلێ دروست نەکەت.
