فدراسیۆنا فوتبۆلا ئیراقێ ب نەهـ ملیار دیناران قەردارە
سەرۆكێ فدراسیۆنا فوتبۆلا ئیراقێ ڕاگەهاند كو بەری دەست ب كاربیت فدراسیۆن ل سەر دەستێ سەرۆكێ پێشتر عەدنان درجار ب نەهـ ملیار دیناران قەرداربوویە و ئێكەم فایل بۆ دەستەیا دەستپاكی بەرهەڤكرییە دژی وی دگەل هەبوونا چار فایلێن دی، ژبەر هەبوونا سەرپیچیێن دارایی و كارگێری.
د دڕێژەیا ئاخڤتنا خوە دا یونس مەحموود گۆت: پشتی ئەم دەست ب كاربووین مە ڤاڤارتن و دووڤچوونا هەموو لایەنێن كارگێری و دارایی كرن، حێبەتی مان كو عەدنان درجال فدراسیۆن یا ئێخستیە لبن قەرێن نەهـ ملیار دیناران ئەڤە ژی سەرپێچیەكی و گەندەلیەكا مەزنە پەیدابووی، دڤێت دووڤچوونا تەسەل هەبیت.
ژلایەكێ دووڤە گۆت: د نوكە دا فدراسیۆنا فوتبۆلێ د كاودانەكێ باش دا نینە و مە داخواز ژ حوكمەتا ئیراقێ كرییە حەفت ملیار دیناران بۆ بڕێڤەبرنا چالاكیێن خوە كرییە، ل گەل دا پێنج ملیار دینارێن دی بۆ ڕاهێنەرێن هەلبژارتیێن ئیراقێ و پێنج ملیار دینارێن دی بۆ لالیگایی، ئەڤە هەموو مەزاختییە ئەم پێدڤینە و چاڤەڕێ بەرسڤا حوكمەتێ نە.
