پشتی 14 سالێن ڤهقهتیانێ تیما یارییێن مەیدانێ یا یانەیا دهۆکێ بوویه قارهمانا ههرێمێ
د داخۆیانیهكێ دا د.ئازاد ئهحمهد راهێنهرێ تیما یاریێن مهیدانێ یا یانهیا دهۆك بۆ رۆژنامهیا ئهڤرۆ راگههاند پشتی 14 سالێن دوورکەڤتنێ تیما مه جارهكا پشكداری د قارهمانیا یانهیێن ههرێما كوردستانێ دا كر، پشتی یاریزانێن مه ئاستهكێ بلند پێشكێشكری و پرانیا بهریكانهیان رێزین ئێكێ هاتین ژ سەرجەمێ گشتی شیان 128 خالان كۆمبكهین رێزا ئێكێ بدهستخۆڤه بینن، سیروانی نوو رێزا دویێ هات ب 102 و شورجه یا كهركووكێ رێزا سیێ هات.
زێدەتر ناڤهاتی گۆت: پێنهڤێت ئهف دهسكهفته ژ ڤالاهیان نههاتیه بهلكو ب مانیبوونهكا مهزن د دهمهكێ كێم دا بریه، یاریزانێن مه گهلهك خۆ ماندی كر و مهژی وهكو ستاڤێ راهێنانێ ئهز و حازم محەمهد حهسهن ههموو شیانێن خۆ مهزاختن داكو تشتهكێ بۆ ڤێ تیمێ و باژێرێ دهۆكێ بكهین، سۆپاس بۆ خۆدێ بهرههڤیێن مە ب ههروه نهچوو، دیسان ناڤبری ژ لایهنێن پهیوهندیدار و شۆلهژی د خوازیت پشتهڤانیا ڤێ تیمێ و یاریزانێن گهنج و خۆدان شیان بكهن، من باوهریهكا مهزن ب شیانێن ڤان گهنجان ههیه كو د قارهمانیێن بهێت دا دێ ئهنجامێن باشتر و نمرێن باشتر تۆماركهن.
ل دووماهیێ راهێنهرێ تیما یاریێن گۆرهپان و مهیدانێ گۆت: ئهڤه چارده ساله هاتینه دوورئێخستن و ههتا نۆكه كهسێ خۆ لێ نهكریه خۆدان، ئهگهر ب پشتهڤانیا خۆدانێ كۆمپانیا بهشیر چهلهبی نهبا ئهم نهشیاین پشكداریێ بكهین و ههر وهسان سوپاسیا كارگێریا یانهیا دهۆك دكهین بۆ دابینكرنا كوستهرێ بۆ ئینان و برنا تیما مه بۆ ڤێ قارهمانیێ، لهورا من دڤێت دیار بكهم كو باژێرێ دهۆكێ هندهك بههرهمهندێن باش لێ ههنه و پێدڤی ب مهزاختییهكێ كێمن داكو ئهنجامێن مهزن بدهستخۆڤه بینن، بەلگەیە کو مە یاریزانێن قارەمان هەنە لەوما پێدڤی ب پشتەڤانیێ نە و دیاربوو ژی چار یاریزانێن ژیێن وان یێ بچووك و ههڤركییا یاریزانێن پێشكهفتی دكر و بێ گۆمان ئهڤان یاریزانان پاشهرۆژهكا گهش یا ههی.
بۆ زانین ههڤركیێن قارهمانیا ههرێما كوردستانێ یا یاریێن مهیدانێ بۆ ماوهیێ دو رۆژان ل باژێرێ سلێمانیێ دهاتنه ئهنجامدان، یاریزانێن دهۆكێ پرانیا بهریكانهیان بدهستخۆڤه ئینان و بڤی رهنگی:
100م و 200م و ئێك گاڤی ژێهات بهرهكات- رێزا ئێكێ.
110م و 400م ئاستهنگ فاتح محهمهد-رێزا ئێكێ.
400م رهیان سهگڤان، رێزا دویێ .
800م ئازاد محمهد،رێزا دویێ
1500م ئهیمهن نوعمان، رێزا دویێ.
5000م ئهیمهن نوعمان، رێزا ئێكێ.
4*100م و 4*400م تیما دهۆكێ، رێزا ئێكێ.
سێ گاڤی ئیبراهیم جبرائیل، رێزا سیێ .
خۆهاڤێتنا بلند ئیبراهیم جبرائیل، رێزا چارێ.
پالدانا پارسهنگی دهروێش غازی، رێزا سێیێ.
هاڤێتنا تلپی ئیبراهیم دهروێش، رێزا چارێ.
هاڤێتنا رومی عهبدولمهجید حهمید، رێزا دویێ.
هاڤێتنا چهكوچی موئهیهد صباح، رێزا سێیێ.
