مەسرور بارزانی داخواز ژ وەبەرهێنەران دكەت پڕۆژەیێن خۆ ل هەرێما كوردستانێ ئەنجام بدەن
هەولێر، قائید میرۆ:
هژمارەكا وەبەرهێنەرێن هەرێما كوردستانێ چووینە پارێزگەهێن ناڤەڕاست و باشوورێ ئیراقێ و جێگرێ سەرۆكێ ئێكەتیا وەبەرهێنەران ژی دبێژیت: مەسروور بارزانی داخواز ژ وەبەرهێنەران كریە پڕۆژێن خۆ ل هەرێما كوردستانێ ئەنجامبدەن.
كەمال ئاغا گەردی، جێگرێ سەرۆكێ ئێكەتیا وەبەرهێنەرێن كوردستانێ بۆ رۆژناما ئەڤرۆ دیار كر «سەرۆكێ حوكمەتا هەرێما كوردستانێ داخواز ژ وەبەرهێنەرا كریە وەبەرهێنانێ د ناڤخۆیا هەرێما كوردستانێ ئەنجامبدەن و پڕۆژێن ستراتیژی یێن وەبەرهێنانێ نەبەنە پارێزگەهێن ناڤەڕاست و باشوورێ ئیراقێ، چوونا وەبەرهێنەرێن هەرێما كوردستانێ بۆ پارێزگەهێن ناڤەڕاست و باشوورێ عێراقێ ب تنێ بۆ ئەنجامدانا پڕۆژێن ئاكنجیبوونێ یە و مفاداربوون و ڤەگەڕاندنا مفایە بۆ هەرێما كوردستانێ، هەتا نوكە ژی چو پڕۆژێن ستراتیژی ل دەڤەرێن عێراقێ ژلایێ وەبەرهێنەرێن كورد نەهاتینە ئەنجامدان.
كەمال ئاغا گەردی ئاماژەكر «هەتا نوكە پڕۆژەیێن بازرگانی و پیشەسازی ژلایێ وەبەرهێنەرێن كورد ل پارێزگەهێن باشوور و ناڤەڕاستا ئیراقێ نەهاتینە ئەنجامدان، بەلێ هندەك وەبەرهێنەران پرۆژەیێن ئاكنجیبوونێ ل پارێزگەهێن عێراقێ وەرگرتینە، مفایێ وان پڕۆژەیان بۆ هەرێما كوردستانێ بوویە، چونكو ئەو وەبەرهێنەر خەلكێ هەرێما كوردستانێ نە.
