بۆ جارا دویێ یە مەسعوود میرال دهێتە سزادان
فدراسیۆنا فوتبۆلا ئیراقێ ڕاگەهاند ل سەر سكالایا یانەیا شورتە یا بەغدایی دژی مەسعوود میرالی ڕاهێنەرێ بەرێ یێ تیما یانەیا دهۆك بڕیاردایە ب سزادانا وی ب كۆژمەیێ پێنجی ملیۆن دیناران و دوورئێخستنا وی ژ خولێن ئیراقێ بۆ ماوەیێ ئێك وەرز، ئەڤ سزایە دبیتە یا دویێ پشتی سزایەكێ دی پێشتری مەهەكێ كو ب 25 ملیۆن دیناران و شەش مەهـان دوورئێخستن ژ چالاكیێن خولێن ئیراقێ.
ل دووڤ ڕاپۆرتا لژنەیا سزایان هاتییە كو سكالایا یانەیا شورتە ل سەر وێ چەندێ بوویە مەسعوود میرال ڕاهێنەرێ دهۆكێ د كۆنگرەیەكێ رۆژنامەڤانی دا گۆتییە: كەسەكی داخواز ژ من كرییە خوە د گەل یانەیا شورتە یا بەغدایی خوسارەت بكەم بەرانبەر كۆژمەیەكێ پارەیی، لەوما ژی یانەیا شورتە ئەڤێ گۆتنێ ب نەوەیی دەرئێخستیە و سكالایا فەرمی كرییە، سزایێ مەسعوود میرالی بۆ هاتییە دان ب پێنجی ملیۆن دیناران و ئێك وەرز دوورئێخستن ژ هەر چالاكییەكا دناڤ خولێن ئیراقێ دا، دیسان بابەت بگەهیتە فدراسیۆنا فوتبۆلا ئاسیا بۆ پێڕابوونێن یاسایی.
