ئەڤرۆ گەڕا 36ێ یا خولا ستێرێن ئیراقێ ب یاریێن ئاگرین دێ دەستپێكەت
قەیس وەیس:
چاڤەڕێ دهێتە كرن ئەڤرۆ ب ئەنجامدانا سێ یارییان دەست ب هەڤڕكیێن گەڕا 36ێ ژ یاریێن خولا ستێرێن ئیراقێ یا فوتبۆلێ بهێنە كرن، هەردو یانەیێن كوردستانی زاخۆ و نەورۆز دێ بەرانبەر یانەیێن باشۆرێ ئیراقێ بن، سوبەهی هەولێر ل پایتەختێ ئیراقێ بەغدایە و شەمبییا بهێت دهۆك دێ چیتە باژێرێ روومادی.
زاخۆ بەرانبەر ئاستەنگا نەجەف چاڤ ل دیرۆكەكێ یە
بڕیارە ئەڤرۆ ل دەمژمێر 9:30 شەڤ تیما فوتبۆلا یانەیا زاخۆ ل باشۆرێ ئیراقێ ببیتە مێڤانا یانەیا نەجەف د یارییەكا بهێز و پری هەڤڕكی دا، كوڕێن خابۆری ئەوێن ب سەرپەرشتییا ڕاهێنەرێ خوە عەبدولغەنی شەهەد كوپ ێشتر ڕاهێنەرێ نەجەف بو ودێ هەموو بزاڤان كەن بەردەوامیێ بدەنە ئەنجامێن خوە یێن باش ژبۆ پاراستنا ڕێزبەندییا خوە و گەهشتن بەر ب ئارمانجا خوە، ئەوا د نوكە دا ڕێزا سێیێ دهێت ب كۆمكرنا 66 خالان، د بەرانبەر دا یانەیا نەجەف خودانا 42 خالانە ڕێزا 14ێ دهێت، ئەڤ یارییە بۆ زاخۆییان وەكو یا فینالێ یە ژبەر سەركەڤتن دێ ڕێزا سێیێ پارێزیت و پشكدارییەكا دەرڤە مسۆگەر كەت.
گۆلكەرێن زاخۆ كینە؟
ژلایەكێ دووڤە یاریزانێن وێ 55 گۆلان د خولێ دا ئیناینە و بەلاڤبووینە ل سەر یاریزانان و بڤی شێوەیی، پیشەكارێ یانەیا زاخۆ یێ بەرازیلی گۆستاڤۆ هێنریك ل سەرێ لیستا گۆلكەرێن تیما خوە دهێت ب تۆماركرنا 17 گۆلان، هەڤالێ وی و یاریزانێ هەلبژارتیێ ئیراقێ ئەمجەد عتوان ب تۆماركرنا 13 گۆلان رێزا دویێ دهێت، ناسر ئەحمەد محەمەدو نەهـ گۆل، دیبیۆتی ئۆگۆنا چار گۆل، مەحمود فائیز ئەلئەسوەد سێ گۆل، ئەحمەد یاسین و پاتریك مارسێلۆ هەر ئێك دو گۆل، هەر ئێك ژ ئەیۆب نناحی گۆلەك، محەمەد عەلی عەبۆد گۆلەك و موسێس گۆلەك و یوسغ رائید ئەلئالۆسی گۆلەك تۆماركریە.
دهۆك د دەمەكێ هەستیار دا دەرباز دكەت
تیما یانەیا دهۆك دێ ل شەمبییا بهێت دەمژمێر حەفتی شەڤ بیتە مێڤانا یانەیا ئەلگەرمە ل یاریگەها روومادید یارییەكا ب زەحمەت بیت بۆ ئەلهۆیێن چیا ئەوێن رێزا شەشێ دهێن ب53 خالان، خودانێن ئەردی رێزا هەشتێ دهێن ب52 خالان، ئەڤ یارییە بۆ دهۆكییان ب سانەهی نابیت تایبەت ئەوا د قۆناغەكا هەستیار دا دەرباز دكەت پشتی ئاست و ئەنجامێن لاواز یێن تیمێ د یاریێن بۆری دا.
دەهـ یاریزانان گۆل تۆماركرینە
تیما دهۆكێ خوانا دەهـ یاریزانێن پشكداری د تۆمار كرنا 36 گۆلان دا هەیە سەرجەمێ 37 گۆلان و بڤی ڕەنگی، پیتەر گۆرگیس هەشت گۆل، پاشەنگ عەبدوللا حەفت گۆل، كەریم دەرویش پێنچ گۆل، هەر ئێك ژ و شەرقی ئەلبەحری و مارلۆن دۆسانتۆس، یانیك زاكێری و ئیبراهیم غازی و لۆكاس هێنریك و سیابەند عەگید، هەر ئێك دو گۆل هەنە، هەروەسان هەر ئێك ژ بەیار ئەبۆ بەكر، كێلبرت كۆمسۆن، موسیس، زانا عەلی گۆلەك تۆماركرینە، ژلایەكێ دووڤە گۆلەك بۆ یاریزانەكێ یانەیەكا دی هاتییە هژمارتن، پشتی ب شاشی ڤە گۆل ل سەر تیما خوە كر.
هەولێر و نەورۆز بەرانبەر جەوییە و كەربەلا
هەر ژ یاریێن ڤێ گەڕێ دا بڕیارە ئەڤرۆ تیما یانەیا نەورۆز دناڤ ئەرد و جەماوەرێ خوە دا مێڤاندارییا یانەیا كەربەلا ل دەمژمێر 9:30 شەڤ بكەت، ژلایێ خوەڤە یانەیا هەولێر دێ سوبەهی ل یاریگەها شەعب بیتە مێڤانا یانەیا جەوییە ئەوا دێ ل هەمان دەمژمێرێ شەڤێ هێتە كرن.
شرۆڤەكارێ وەرزشی بۆچوونا خوە هەبوو
ل دۆر یاریێن ڤێ گەڕێ یێن تیمێن یانەیێن كوردستانی سلێمان زەكی شرۆڤەكارێ وەرزشی بۆ رۆژنامەیا ئەڤرۆ گۆت: كاروانێ خولێ بەر ب دووماهیێ دچیت، تا ڕادەیەكی قارەمانا وەرزێ ئەڤ سالە دیاربوویە، لێ ڕەوشا هەرچار یانەیێن كوردستانێ ژێكچوویە، دەستپێكێ یانەیا زاخۆ ئەوا دێ بزاڤێ كەت د یارییا ئەڤرۆ دا هەرچەوابیت خالەكێ ژی بدەستڤە بینت، ژبەركو یارییا بەرانبەر نەجەف یا ب سانەهی نابیت ئەوا بەری حەفتییەكێ سۆپرایزەك بەرانبەر دهۆكێ ئینایی ب كێمترییا یاریزانەكی گۆلا وەكهەڤیێ ئینابوو، لەوما بەرانبەر زاخۆ دێ ب مۆرالەكا بلند هێت، هەرچەندە تیما زاخۆ ژی ئاست ئەنجامێن وێ دباش و تیمەكا بهێزە لێ ئەو تیما مفایی ژ دەلیڤێن خوە وەربگریت دێ سەركەڤیت.
لدۆر یارییا دهۆكێ بەرانبەر ئەلگەرمە گۆت: تیما دهۆكێ د كاودانەكێ نەباش و نە خۆجهی دا دەرباز دكەت، ئاست و ئەنجام د باش نینن، پرانییا یاریێن خوە یێن پاشئێخستی مفا ژێ نە وەرگرت، دیسان چوونا پیتەری بۆ دەرڤە دێ كارتیكرنا خوە هەبیت، دبیت دهۆك لبن ڕەوشەكا نە جێگیر دابیت، ڕاهێنەرێ دهۆكێ ژی دێ كەڤیتە لبن ئاستەنگان، لێ یاری دێ یا ڤەكری بیت وهەموو ئەنجام ژی پێشبینیكرینە.
ل دۆر یاریێن هەولێر و نەورۆزێ گۆت: هەولێر ژی د كاودانەكێ خراب دایە چەند و نەشیایە ئاستێ خوە ڤەگەرینیت، چوونا دو باشترین یاریزانێن وان ژی كارتیكرنا خوە دێ ل سەر یارییا وان هەبیت، دێ بەرانبەر ئێك ژ یانەیێن بەغدایی بیت كو تیمەكا بهێزە، ژلایێ خوەڤە دبیت چەنسێ یانەیا نەورۆز بەرانبەر كەربەلا بۆ سەركەڤتنێ باشتر بیت و دێ دناڤ ئەردێ خوە دا كەت ب پشتەڤانییا جەماوەرێ خوە، هیڤییا مە ئەوە یاریێن ڤێ گەڕێ هەرچار یانەیێن مە یێن كوردستانی ب سەركەڤتی بن.
ژ یاریێن دی یێن ڤێ گەڕێ
ئەڤرۆ یانەیا حدود دێ مێڤاندارییا نەفت میسان كەت، سوبەهی ئەلقاسم- دیالا، كارەبا- نەفت، رۆژا ئەینی نەفت بەسرا- شورتە، كەرخ- زەورا، شەمبییا بهێت مینا دێ تەلەبە مێڤان كەت.
بەری دەستپێكرنا گەڕا 36ێ لیستا ڕێزبەندیێ بڤی شێوەیە.
1- شورتە 80 خال.
2- زەورا 74 خال.
3- زاخۆ 66 خال.
4- تەلەبە 57 خال.
5- جەوییە 57 خال.
6- دهۆك 53 خال، كێمترییا ئێك یاری.
7- ئەلگەرمە 52 خال.
8- نەفت 52 خال.
9- ئەلقاسم 51 خال.
10- نەفت میسان 48 خال.
11- نەورۆز 46 خال.
12- هەولێر 44 خال، كێمترییا یارییەكێ.
13- كارەبا 44 خال.
14- نەجەف 42 خال.
15- كەرخ 40 خال.
16- مینا 39 خال.
17- دیالا 37 خال.
18- نەفت ئەلجنوب 29 خال.
19- كەربەلا 22 خال.
20- حدود 20 خال. لیستا 10 گۆلكەرێن خولێ بڤی شێوەی نە.
1- موهەنەد عەلی، 26 گۆل یانەیا شورتە.
2- گۆستاڤۆ هێنریك، 17 گۆل یانەیا زاخۆ.
3- مەروان حسێن، 16 گۆل ژ یانەیا نەورۆز.
4- سەیف رەشید، 15 گۆل ژ یانەیا ئەلقاسم.
5- ئەمجەد عتۆان، 13 گۆل ژ یانەیا زاخۆ.
6- سایمۆن موسفا، 12 گۆل ژ یانەیاتەلەبە.
7- ئەلحارس حاتم، 12 گۆل ژ یانەیا ئەلقاسم.
8- عەلا عەباس، 11 گۆل ژ یانەییا جەوییە.
9- ئێزی كێلڤێن، 11 گۆل ژ یانەیا كەرخ.
10- بنیامێن ئیۆرۆنكۆ، 11 گۆل ژ یانەیا كەرخ.
