بەرهەمێ پتاتێن ئەڤ سالە ژ پێدڤیێن ناڤخۆ زێدەترە
سولین سلێمان
بەرهەمێن پتاتێن ئەڤ سالە یێن هەرێما كوردستانێ پێگەهشتینە، نۆكە جوتیارا مژوولی كۆمكرنا وانن، ب شێوازەكی ل دەشتا ناوكۆرا سەر ب قەزا بەردەرەشی ل دهۆكێ زێدەتری 300 هزار تەن پتات پێگەهشتینە.
جوتیارەك ب ناڤێ بەرەڤان، ئێكە ژ وان جوتیاران بەرهەمێ وی پێگەهشتیە د دیداەكێدا بۆ رۆژناما ئەڤرۆ وەكی ئەو ب خوە ژی دبێژیت: نۆكەدا مژوولی كۆمكرنا وانە، بەرهەمێ پتاتێن مە یێن ئەڤ سالە گەلەك ب باشی پێگەهشینە و خومالینە، ئاشكرا ژی كر و گۆت «ئەڤ سالە نێزیكی 200 دۆنەم زەڤیا خۆ ب بەرهەمێ پتاتان چاندیە و گەلەك باشی پێگەهشتیە.
سەردار ئێكە ژ جوتیارەكێ دی یێن ڤی گوندی، زەڤیا وی نێزیكی 100 دونەم بەرهەمێن پتاتا چاندینە و دبێژیت: بەرهەمێن مە یێن پتاتا ئەڤ سالە گەلەك یێ باشە و تێرا هەمی پێدڤیێن ناڤخۆ دكەت و زێدەتر ژی.
ئەنوەر خدر، ئەندازیارێ چاندنێ ل شێخان بۆ رۆژناما ئەڤرۆ گۆت «بەرهەمێ ئەڤ سالە یێ پتاتان ل دەشتا ناوكورێ پتری 300 هزار تەنایە، پشتی جوتیار ژ كۆمكرنا وانا تمام دبن ئەو بەرهەمێ پتاتان بۆ پشكنینێ دێ چنە تاقیگەهێ و پشتی ب ئامیرێن سەردەمی و پێشكەفتی دهێنە هەلگرتن.
ئاشكرا ژی كر، كابینا نەهێ گرنگیەكا زۆر دایە هەناردەكرنا بەرهەمێن جوتیاران ، تایبەتی وان چەند سالێن بوریدا بەرهەمێن وانا ژ بۆ وەلاتێن كەنداڤ و ئەوروپا دهاتە رێكرن، ئەڤ چەندە ژی هاندەرەك بوو ژ بۆ هەموو جوتیاران كو پتر سەر كارێ خو بەردەوام بن، ئەڤە د دەمەكیدایە بەری گرنگی ب كەرتێ كشتوكالی بهێتە دان، جوتیار گەلەك دلگران بوون بۆ وێ یەكێ كۆ بەرهەمێن وان ساخنەدبن وماندیبونەكا گەلەك پێڤە دبر و داخواز دكرن هاوردا بەرهەما ژ دەرڤە بهێتە راگرتن یێن ناڤخۆیی بهێنە ساخكرن، لێ نوكە جوتیار گەلەك مفا ژ گرنگیدانا كابینەیا نەهێ وەرگرتیە، چونكو ئەو دزانن بەرهەمێن وان ناهێنە هەدەردان و دێ بو وانا هێنە ساخڤەكرن، نمونێن وێژی ل سالا بوری سالێن دەربازبوی چەندین بەرهەمێن وەكی سێڤ و تەحین وسماق و هنار و هگڤین بۆ وەلاتێن كەنداو و ئەوروپا دهاتنە رێكرن.
