دهۆك و پۆلیتەكنیك نوونەرێن پارێزگەهێ نە د خولا نایابا ئیراقێ دا
شاهۆ فەرید:
د داخویانیەكێ دا ئەندامێ فدراسیۆنا تێنسا مێزێ یا ئیراقێ خویا كر بڕیار هاتیە دانا 10ێ مەها تەمووزا بهێت وەرزێ نوو یا خولا پلا نایابا ئیراقێ ل سەر ئاستێ یانەیان بهێنە ئەنجامدان و ب شێوەیێ كۆم ل سەر ئاستێ دەڤەران بیت، یانەیێن كوردستانی دێ كۆما هەرێمێ ل باژێرێ سلێمانیێ كەن و یێن ناڤەڕاست و باشۆرێ ئیراقێ دێ ل باژێرێ نەجەف كەن.
زێدەتر عەلی بامەرنی كو كوڕێ باژێرێ دهۆكێ یە بۆ رۆژنامەیا ئەڤرۆ گۆت: بڕیارە هەڤڕكیێن خولێ بۆ ماوەیێ سێ رۆژان لباژێرێ سلێمانیێ ڤەكێشیت بۆ ئاستێن جودا یێن كوڕان و كچان، هەردو یانەیێن دهۆك و پولیتەكنیك دێ نوونەراتیا پارێزگەها دهۆكێ دڤێ خولێ دا كەن كو لسەر ئاستێ كوران بیت، هەروەسا یانەیێن پارێزگەهێن كەركووك و مووسل ژی دێ پشكداربن، قارەمانی تنێ لسەر ئاستێ ناڤخوەیی یە و هیچ پشكداریەكا دەرەكی نابیت ژ قارەمان و پشكداریێن خولێ و هەمو یاریزان دێ خەلكێ ئیراقێ و كوردستانێ بن
