ئێکەم تیپا مۆزیکێ یە شیای مۆزیکا گەڕۆک بژەنیت
بەرپرسێ تیپا ڕۆژ یا مۆزیکێ بۆ رۆژناما ئەڤرۆ دیار کر کو ئەڤ تیپە ل ساڵا 2012 هاتیە دامەزراندن و ئەڤە بۆ دەمێ چار سالانە ئەز بەرپرسێ ڤێ تیپێ مە و ئەم شیاینە وەکو ئێکەم تیپا مۆزیکا گەرۆک بدامەزرینین
حسێن پیرۆ، بەرپرسێ تیپا ڕۆژ یا ستران و مۆزیکێ ل زاخۆ ئەو چەندە ژی دیارکر کو ئەڤ تیپا مۆزیکێ ژ چل ئەندامان پێک دهێت ژ هەر دو رەگەزا و گۆت: «هەبونا کچێ د ناڤ تیپا مە دا جهێ گرنگیپێدانەکا مەزنە وڕولەکێ سەرەکی هەیە و دهەمی کارێن مە دا بەژدارن، هەرچەندە وەکو جڤاک جاران بۆ مە زەحمەتە لێ ئەم نا ڕاوەستین ودێ دبەردەوام بین)
بەرپرسێ تیپا ڕۆژ د بەردەوامیا ئاخفتنا خوە گۆت: ئەڤ تیپا مۆزیکێ ل پتریا فیستەڤاڵێن زاخۆ پشکداربوویە و ڕولەکێ سەرەکی هەیە دهەمی ئاهەنگ و کارێن هونەری دا ل زاخۆ و دیسان ل هەولێر و دهۆکێ ژی مە پشکداری دکارێن هونەری دا کریە، بۆ داهاتی ژی دپلانا مە دا هەیە کو ئەم دەست ب گێڕانا هندەک کۆنسێرتان بکەین داکو داهاتەک بۆ ئەندامێن مە ژێ بهێت.
