ئەم پێدڤی ئێكهەلوەستیێ و حكومەتەكا بهێزین
ئامێدیێ، مەحمود نهێلی:
بەهرام عەریف یاسین، ئەندامێ كۆمیتا ناڤەندی و بەرپرسێ لقێ 18 یێ پارتی ل ئامێدیێ د سمینارەكی دا ل دەڤەرا بەرواری بالا، ل سنۆرێ ناوچەدارییا كانی ماسێ چەندین تەوەرێن گرنك بەحسكرن ژ وانا رەوشا نوكە یا دەڤەرێ و پەیوەدیێن هەرێمێ و ئیراقێ و رەوشا ئەولەهیا وەلاتیان.
ناڤهاتی گۆت: «ئەم شاهدێن دیرۆك و خەبات و قوربانیێن خەلكێ ڤێ دەڤەرێینە، بۆ مە جهێ شانازیێیە خزمەتا ڤی خەلكێ دلسۆز، كوردپەروەر و ژ هەژی بكەین، دیسا د ڤێ رەوشا نوكە دا، كوردستان پێدڤی ب ئێكرێزی و ئێكهەلوەستیێ و دروستكرنا حكومەتەكا بهێزە».
گۆتژی: «بەغدا ب هەمان عەقلیەتا 80 سالێن بۆری سەرەدەریێ ل گەل كوردان دكەت و مووچە و قووت و ژیارا خەلكی ب سیاسی كریە، ژ بۆ شكاندنا ئیرادەیا گەلێ مە، لێ ئەو چو جاران روو نادەت».
